ދަރުބާރުގޭގައި މިހާރުކުރިޔަށްދާ ފީލް ސްރީލަންކާ ސިންގަލް ކަންޓްރީ އެގްޒިބިޝަބްގައި މަތީތައުލީމް ހާސިލްކުރަން ބޭނުންވާ ދަރިވަރުންނަށް ޚާއްސަކޮށްގެން ކުރިޔަށްގެންދާ އެޑިއުކޭޝަން އެކްސްޕޯ އަށް ބޮޑު ތަރުހީބެއް ލިބެމުންދާކަމަށް އިނަރމޯލްޑިވްސް ހޮލިޑޭސްއިން ބުނެފިއެވެ.
ފީލް ސްރީލަންކާން ސިންގަލް ކަންޓްރީ އެގްޒިބިޝަންއަށް ބޮޑު ތަރުހީބެއް ލިބެމުންދާއިރު މި އެގްޒިބިޝަނުން ފާހަގަކޮށްލެވޭ އެއްދާއިރާއަކީ އެޑިއުކޭޝަންގެ ދާއިރާއެވެ. ގިނަ އަދަދެއްގެ ދަރިވަރުން މިއަދު އެކަނިވެސް އެޑިއުކޭޝަން އެކްސްޕޯއަށް ޒިޔާރަތްކޮށްފައިވާއިރު، މި އެކްސްޕޯގައި ތަފާތު އެކި ކޮލެޖް ޔުނިވަރސިޓީ އަދި ކެމްޕަސްތަކުން އެކި ދާއިރާތަކުން ހުރި ފުރުސަތުތަކާ ބެހޭ މައުލޫމާތާއި، ކޯސް އެންޓްރީއަށް ބޭނުންވާ އެހީ ފޯރުކޮށްދެމުންގެންދެއެވެ. އެޑިއުކޭޝަން އެކްސްޕޯގައި 20 ސްޓޯލެއް ބަހައްޓާފައިވާއިރު، އައިޓީ، ބިޒްނަސް، ސައިންސް، ހެލްތް، އިންޖިނިއަރިންގ ފަދަ ތަފާތު ދާއިރާތަކުން ހުރި ފުރުސަތުތަކާ ބެހޭ މައުލޫމާތު މި ސްޓޯލްތަކުން ލިބެން ހުންނާނެއެވެ.
ޕީއެސްއެމްނިއުސް އާ ވާހަކަދައްކަމުން އިނަރ މޯލްޑިވްސް ހޮލިޑޭސްގެ ގްރޫޕްގެ ޖެނެރަލް މެނޭޖަރ މުހައްމަދު ޖަލާލު ބުނީ، އެކްސްޕޯއަށް ވަރަށްބޮޑު ތަރުހީބެއް ލިބެމުންދާކަމަށާއި، މިއަހަރުގެ އެގްޒިބިޝަން ކުރިޔަށްގެންދަނީ ތަފާތު ކޮންެސެޕްޓެއްގެ މައްޗަށްކަމަށެވެ. ޖަލާލު ބުނީ އެޑިއުކޭޝަން އެކްސްޕޯއަށް ދަރިވަރުންގެ ވަރަށް ބޮޑު ތަރުހީބެއް ލިބެމުންދާކަމަށެވެ.
އިނަރ މޯލްޑިވްސް ހޮލިޑޭސްއިން ބުނީ އަންނަ އަހަރުވެސް މި އެގްޒިބިޝަން ކުރިޔަށްގެންދާނެކަަމަށާއި، މިއަހަރުގެ އެގްޒިބިޝަން ވަރަށް ކާމިޔާބުކަމަށެވެ. އެގޮތުން ރެއާހަމައަށްވެސް ވަރަށް ގިނަ ބައެއް އެގްޒިބިޝަންއަށް ޒިޔާރަތްކޮށްފައިވާކަމަށް އެފަރާތުން ބުނެއެވެ.