ވިލާކޮލެޖުން އަންނަ އަހަރު ފަށާ ކޯސްތަކަށް ކުރިމަތިލުމުގެ ފުރުޞަތު ހުޅުވާލައިފިއެވެ.
ވިލާ ކޮލެޖްގެ ރެކްޓަރ ޑރ.އަހުމަދު އަންވަރު ވިދާޅުވީ، އެ ކޮލެޖްގެ އަލަށް ފަށާ ކޯސްތަކުގެ ތެރޭގައި އެންމެ ފާހަގަކުރެވެނީ މެރިން ސައިންސް ކޯސްތައްކަމަށެވެ. މަތީ ތައުލީމަށް ސަރުކާރުން ދޫކުރައްވާ ލޯނާއި އިސްލާމިކް ބޭންކުން ދޫކުރާ ލޯންގެ އެހީގައިވެސް މި ކޯސްތަކުގައި ކިޔެވުމުގެ ފުރުސަތު ފަހިވެފައިވާކަމަށް ޑރ އަންވަރު ވިދާޅުވިއެވެ.
ވިލާ ކޮލެޖުގެ ފެކަލްޓީ އޮފް މެރިން ސްޓަޑީޒްގެ ޑީން ޑރ ޝަމާ އަބްދުލް ހަމީދު ވިދާޅުވީ، އެ ފެކަލްޓީން ހިންގާ ޕުރޮގްރާމްތަކަކީ ބޭރުގެ ޙާއްސަ ލައިސަންސް ލިބޭ ޕުރޮގްރާމް ތަކެއްކަމަށެވެ. އަދި އެ ޕްރޮގްރާމްތައް ފުރިހަމަ ކުރާ ދަރިވަރުންނަށް ރާއްޖެއާއި ރައްޖޭން ބޭރުންވެސް ވަޒީފާގެ ފުރުސަތުތައް ފަހިވެގެންދާނެކަމަށް އޭނާ ވިދާޅުވިއެވެ.
ވިލާ ކޮލެޖުން އަންނަ އަހަރު ފަށާ ކޯސްތަކުގެ ތެރޭގައި ވޮކޭޝަނަލް އަދި ޕްރޮފެޝަނަލް ކޯސްތައް ހިމެނެއެވެ.