"ރާއްޖެއާއި ޗައިނާއާ ދެމެދު ވަރަށް ވަރުގަދަ ބިންގަލެއް ވަނީ އެޅިފައި"

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު 2024ވަނަ އަހަރު ޗައިނާއަށް ކުރެއްވި ދަތުރުފުޅުގެ ސަބަބުން ދެ ޤައުމުގެ ދެމެދުގައި ވަރަށް ވަރުގަދަ ބިންގަލެއް އެޅިގެންދިޔަކަމަށް ޗައިނާއިން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ކޮންގ ޒިއަންހުއާ ވިދާޅުވެއްޖެއެވެ.

މިއަދު ފާހަގަކުރަނީ ޗައިނާގެ 77ވަނަ ޤައުމީ ދުވަހެވެ. ޗައިނާއިން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ކޮންގ ޒިއަންހުއާ ވިދާޅުވީ ދިވެހިރާއްޖެއާއި ޗައިނާގެ ގުޅުމުގެ ތެރެއިން މި އުފާ އިތުރަށް ލިބިގަންނަކަމަށެވެ.

ސަފީރު ވިދާޅުވީ ޗައިނާއާއި ދިވެހިރާއްޖޭގެ އިސްވެރިން، 2024ވަނަ އަހަރު ކުރިއަށްގެންދެވި މަތީ ފަންތީގެ ބައްދަލުވުންތަކަކީ ދެ ޤައުމުގެ ގުޅުމަށް ވަރުގަދަ ބިންގަލެއް އެޅިގެންދިޔަ ބައްދަލުވުމެއްކަމަށެވެ. ޚާއްސަކޮށް މުހިންމު ދާއިރާތަކުން އެކުގައި ގުޅިގެން މަސައްކަތް ކުރުމުގެ ރޫޙު އަލާކުރެވުނު ބައްދަލުވުންތަކަކަށްކަމަށެވެ.

2024ވަނަ އަހަރު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ، ޗައިނާގެ ރައީސް ޝީ ޖިންޕިންގެ ދައުވަތަކަށް އެ ޤައުމަށް ފުރަމާނަ ދަތުރުފުޅެއް ކުރައްވާފައެވެ.

Good morning, Maldives!
Today we celebrate the 77th anniversary of the founding of the People's Republic of China. Friends from both sides share this joyous moment. The 2024 meeting between the leaders of China and the Maldives laid a solid foundation for our bilateral relations… pic.twitter.com/MyW9TMoLxK

— Ambassador Kong Xianhua (@China_Amb_Mdv) October 1, 2026

ޗައިނާ ސަފީރު ވަނީ ދެ ޤައުމުގެ ގާތް ގުޅުމުގެ އަގުވަޒަންކުރާކަމަށާއި، މި ގުޅުމުގެ ތަޙުނިޔާ ދެ ޤައުމުގެ ރައްޔިތުންނަށް ފޮނުއްވާފައެވެ.

ޗައިނާގެ ޤައުމީ ދުވަސް ފާގަކުރަނީ ޕީޕަލްސް ރިޕަބްލިކް އޮފް ޗައިނާ އުފެދުނު ދުވަހާ ގުޅިގެންނެވެ. ރާއްޖެއާއި ޗައިނާއާއި ސިޔާސީ ގުޅުން ޤާއިމުކުރިތާ މިއަހަރަށް 54 ފުރޭނެއެވެ.