ޚަބަރު
ވަޒީފާއާއި ބެހޭ ޓްރައިބިއުނަލްގެ މެންބަރު ފާޠިމަތު ސައުސަން ނިޔާވެއްޖެ
-
ސައުސަންއަކީ އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޜަންގެ މެންބަރެއް
-
ސައުސަން ކުއްލި ގޮތަކަށް ނިޔާވީ ބޭސްފަރުވާއަށް އިންޑިއާގައި ހުންނަވަނިކޮށް
ވަޒީފާއާއި ބެހޭ ޓްރައިބިއުނަލްގެ މެންބަރު ފާޠިމަތު ސައުސަން ނިޔާވުން.
ވަޒީފާއާއި ބެހޭ ޓްރައިބިއުނަލްގެ އިންޑަސްޓްރިއަލް ރިލޭޝަން ޑިވިޝަންގެ މެމްބަރު އަލްއުސްތާޛާ ފާޠިމަތު ސައުސަން ނިޔާވެއްޖެއެވެ.
އެނާ ނިޔާވެފައިވަނީ ކެންސަރުގެ ބައްޔަށް ފަރުވާ ހޯއްދެވުމަށްޓަކައި އިންޑިއާގައި ހުންނަވަނިކޮށް ކުއްލިގޮތަކަށް މިއަދު ފަތިހުގެ ވަގުތެއްގައެވެ.
ވަޒީފާއާ ބެހޭ ޓްރައިބިއުނަލަށް މެމްބަރުކަމަށް ސައުސަން އައްޔަންކުރައްވާފައިވަނީ 2024 ވަނަ އަހަރުގެ އެޕްރީލް މަހުގެ 15 ވަނަ ދުވަހުގައެވެ.
ގާނޫނީ ދާއިރާގައި ގިނަ ދުވަސްތަކެއް ވަންދެން ޚިދުމަތް ކުރެއްވި އަލްއުސްތާޛާ ފާޠިމަތު ސައުސަންއަކީ، ގާނޫނީ ވަކީލެއްގެ ގޮތުންނާއި މެންބަރެއްގެ ގޮތުން ގިނަ ހިދުމަތްތަކެއް ކޮށްދެއްވާފައިވާ ފަރާތެކެވެ.