ޚަބަރު
މެލޭޝިއާގައި ހިނގި އެކްސިޑެންޓެއްގައި ދިވެހި ދަރިވަރަކު ނިޔާވެއްޖެ
-
ނިޔާވީ 21 އަހަރުގެ އަންހެން ދަރިވަރެއް
-
އެކްސިޑެންޓުވީ ދިވެހި ދެ ދަރިވަރުން
މެލޭޝިއާގައި ހިނގި އެކްސިޑެންޓެއްގައި ދިވެހި ދަރިވަރަކު ނިޔާވުން / ފޮޓޯ: ސޯޝަލް މީޑިއާ
މެލޭޝިއާގައި ހިނގި އެކްސިޑެންޓެއްގައި ދިވެހި ދަރިވަރަކު ނިޔާވެއްޖެއެވެ.
މިއަދު ހިނގި ކާރު އެކްސިޑެންޓެއްގައި ނިޔާވެފައިވަނީ ސ.ހިތަދޫ ، މާރިޝް، އުމުރުން 21 އަހަރުގެ އާމިނަތު އިމީލީ ނާޒިމެވެ.
މައުލޫމާތު ލިބިފައިވާ ގޮތުގައި އެކްސިޑެންޓުވީ މެލޭޝިއާގައި "ގްރެބް" ޓެކްސީގައި ދިޔަ ދިވެހި 2 އަންހެން ދަރިވަރުންނެވެ. ނިޔާވި އަންހެން ދަރިވަރުގެ ބޮލަށް ބޮޑެތި އަނިޔާތަކެއް ލިބިފައިވެއެވެ. އެކްސިޑެންޓުވި ކާރުގައި އިން ދެވަނަ މީހާގެ ހާލު ސީރިއަސް ނޫންކަމަށް މަޢުލޫމާތު ލިބެއެވެ.
މީސްމީޑިއާގައި ދައުރުވާ ފޮޓޯތަކުން އެނގޭ ގޮތުން އެކްސިޑެންޓުވި ކާރަށްވެސް ބޮޑެތި ގެއްލުންތަކެއް ލިބިފައިވެއެވެ.