އެމްޓީސީސީގެ އައުޓްލެޓުތައް ރާއްޖޭގެ އުތުރުގައާއި ދެކުނުގައި ޤާއިމްކުރުމަށް އެމްޓީސީސީން ނިންމައިފިއެވެ.
އެގޮތުން އަންނަ އަހަރުގެ ފުރަތަމަ 3 މަސް ދުވަސް ތެރޭ ފުރަތަމަ އައުޓުލެއްޓު ހުޅުވުމަށް ހަމަޖެހިފައިވާ ކަމަށާއި، އަންނަ އަހަރު ނިމޭއިރު ޖުމްލަ ދެ އައުޓުލެޓް ހުޅުވިގެންދާނެ ކަމަށް އެކުންފުނިން ހާމަކުރެއެވެ. "އެމްޓީސީސީ ކަށަވަރު ޕްރޮމޯޝަން" އިފްތިތާޙު ކުރުމަށްޓަކައި މިއަދު އެމްޓީސީސީ ކަށަވަރު ފިހާރައިގައި ބޭއްވި ރަސްމިއްޔާތުގައި، އެމްޓީސީސީގެ އައުޓުލެޓުތައް ރާއްޖޭގެ 2 ސަރަޙައްދެއްގައި ހުޅުވުމުގެ ޢަމަލީ މަސައްކަތްތައް މިހާރު ފެށިފައިވާ ކަމަށް އެކުންފުނީގެ ޓްރޭޑިންގ ޑިވިޝަންގެ ޖެނެރަލް މެނޭޖަރ އިސްމާއިލް އަދްހަމް ވިދާޅުވިއެވެ. އެހެން ނަމަވެސް މިކަމާއި ގުޅޭ އިތުރު ތަފްސީލެއް އެމްޓީސީސީން ދެއްވާފައެއް ނުވެއެވެ. img:http://s1.psmnews.mv/images/660x400/4352.jpg|އެމްޓީސީސީ ކަށަވަރު ޝޯ ރޫމް އިން ވިިއްކާ ސިގްމާ ކޯޓިންގް - ފައިލް ފޮޓޯ: ޕީއެސްއެމް
އެމްޓީސީސީ ކަށަވަރު ޕްރޮމޯޝަން ރަސްމީކޮށް އިފްތިތާޙު ކޮށްދެއްވީ އެމްޓީސީސީގެ ސީއީއޯ އިބްރާހިމް ޒިޔަތުއެވެ. މި ޕްރޮމޯޝަންގެ ނަސީބުވެރި ފަރާތްތައް އެއްލައްކަ ރުފިޔާގެ، ސުޒުކީ އައުޓުޕުޓް އިންޖީނެއް ދިނުމަށް ވަނީ ހަމަޖެހިފައެވެ. 13 ޕަސަންޓާއި ހަމައަށް ޑިސްކައުންޓު ލިބޭ، މި ޕްރޮމޯޝަން ކުރިއަށް ގެންދިޔުމަށް ހަމަޖެހިފައިވަނީ 31 ޑިސެމްބަރާއި ހަމައަށެވެ.