ރާއްޖޭގައި ޢުމްރާނީ ތަރައްޤީގެ އެންމެ ގިނަ މަޝްރޫޢުތައް ސަރުކާރުން ހިންގަވަމުން ގެންދަވާ އެއް ރަށްކަމަށްވާ ގދ. ތިނަދުއަށް ހައުސިންގ މިނިސްޓަރ ޑރ.މުޙައްމަދު މުޢިއްޒު ވަޑައިގެން މަސައްކަތްތައް ކުރިޔަށްދާ ގޮތް ބައްލަވާލައްވަމުން އެބަގެންދަވައެވެ.
މިނިސްޓަރ މުޢިއްޒު މިއަދު ވަނީ އެމަނިކުފާނުގެ މިނިސްޓްރީގެ ދަށުން ހިންގަވަމުން ގެންދަވާ ބައެއް މަސައްކަތްތައް ކުރިޔަށް ގެންދަވާ ތަންތަނަށް ޒިޔާރަތްކުރައްވައި އެތަންތާނގައި މަސައްކަތް ކުރިޔަށްދާގޮތް ބައްލަވައި މަޢުލޫމާތު އޮޅުންފިލުއްވާފައެވެ. މިނިސްޓަރ އޮފް ހައުސިންގ އެންޑް އިންފްރާސްޓްރަކްޗަރ ޑރ މުޙައްމަދު މުޢިއްޒު މިއަދު ވަޑައިގެންނެވި ތަންތަނުގެ ތެރޭގައި ސަރުކާރުން ހިންގެވި ތިނަދޫ ބިންހިއްކުމުގެ މަޝްރޫޢުގެ ދަށުން ހިއްކާފައިވާ 55 ހެކްޓަރުގެ ބިމުގެ ސަރަޙައްދު ހިމެނެއެވެ.
img:http://s2.psmnews.mv/images/660x400/14834530696339.jpg|ހައުސިންގ މިނިސްޓަރ ޑރ މުއިއްޒު ތިނަދޫގައި / ފޮޓޯ: ހައުސިންގ މިނިސްޓްރީ
މިނިސްޓަރގެ ދަތުރުފުޅުގައި ތިނަދޫގައި ސަރުކާރުން ކުރިއަށް ގެންދަވާ މިއުޒިއަމް ޕާކް ސަރަޙައްދަށް ވަޑައިގެން މަޝްރޫޢުގެ މަސައްކަތް ބައްލަވާލައްވާފައިވެއެވެ. ތިނަދޫގައި ސަރުކާރުން ބިނާކުރައްވާފައިވާ 120 ޔުނިޓް ހިމެނޭ ހައުސިންގ ޔުނިޓްގެ މަޝްރޫޢުގެ މަސައްކަތްވެސް މިނިސްޓަރ މިއަދު ބައްލަވާލެއްވިއެވެ.
ހައުސިންގ މިނިސްޓަރ ޑރ މުޙައްމަދު މުޢިއްޒު ތިނަދުއަށް ކުރެއްވި ޒިޔާރަތުގައި އެރަށުގެ އިސްވެރިންނާއި ބައެއް ޢާންމުންނާ ބައްދަލުކުރެއްވިއެވެ.