ތުރުކީވިލާތުގެ ޑިޕްލޮމެޓުންގެ ތެރެއިން ގާތްގަނޑަކަށް ހަތަރުބައިކުޅަ އެއްބައި މީހުން ސަސްޕެންޑް ކޮށްފައިވާކަމަށް އެ ޤައުމުގެ ޚާރިޖީ ވަޒީރު މޭވްލޫތު ޝޮވުޝޯގްލޫ ވިދާޅުވެއްޖެއެވެ.
މިހާ ގިނަ އަދަދެއްގެ ޑިޕްލޮމެޓުން ސަސްޕެންޑް ކުރަންޖެހުމަކީ ތުރުކީވިލާތުގެ ޚާރިޖީ ސިޔާސަތު މެނޭޖްކުރުމަށް ބޮޑެތި ގޮންޖެހުންތަކެއް ކުރިމަތިވި ކަމެއް ކަމުގައިވާނަމަވެސް، ޤައުމީ ސަލާމަތަށް ރިޢާޔަތް ކުރުމަށްފަހު، އެ ގޮތަށް ކަންކުރަން ޖެހުނީ ކަމަށް، ތުރުކީވިލާތުގެ ޤާނޫނު ހަދާ މަޖިލީހުގައި ވާހަކަދައްކަވަމުން ޝޮވުޝޯގްލޫ ވިދާޅުވިއެވެ.
ސަސްޕެންޑްކުރި ޑިޕްލޮމޭޓުންނަކީ މިދިޔަ އަހަރު ތުރުކީވިލާތަށް ގެންނަން މަސައްކަތްކުރި ނާކާމިޔާބު ބަޣާވާތާ، އެ މީހުންނާ ގުޅުންވާކަމުގެ ހެކިތައް ހުރި ޑިޕްލޮމެޓުންކަމަށް ޝޮވުޝޯގްލޫ ވިދާޅުވިއެވެ. ނަމަވެސް އޭގެތެރެއިން ބައެއް ޑިޕްލޮމެޓުން، އެ ބޭފުޅުންގެ އިޚުލާސްތެރިކަން ކަށަވަރުކޮށްދެއްވުމުން ސަސްޕެންޝަން އުވާލައި، އަލުން ވަޒީފާއަށް ނުކުތުމުގެ ފުރުސަތު ދީފައިވާނެކަމަށް އެމަނިކުފާނު ވިދާޅުވި.
ތުރުކީވިލާތަށް މިދިޔަ އަހަރު ގެންނަން މަސައްކަތްކުރި ބަޣާވާތާ ގުޅިގެން ސަރުކާރުގެ މުވައްޒަފުންގެ ތެރެއިން ފަސް ސަތޭކަ ހާހެއްހާ މީހުން ވަޒީފާއިން ވަކިކޮށްފައިވެއެވެ.