ހުސްވި ހަފްތާގެ ހޮނިހިރު ދުވަހުން ފެށިގެން ޔަމަނުގެ ވެރިރަށް ސަންޢާގައި ވަރުގަދަ ކުރިމަތިލުންތަކެއް ހިންގުމަށްފަހު އެ ރަށް މިހާރު ހަމަހިމޭން ވެފައިވާކަމަށް އދން ބުނެފިއެވެ.
ޔަމަނުގައި ހަރަކާތްތެރިވާ އދން އިންސާނީ އެހީގެ އިދާރާގެ ކޯޑިނޭޓަރު ޖޭމީ މެގޯލްޑްރިކް ވިދާޅުވީ، ވޭތުވެދިޔަ ދެތިން ދުވަހު ސަންޢާއަށް ހަމަހިމޭންކަން ވެރިވެފައިވާ ނަމަވެސް އަދިވެސް މުޅިން ނުތަނަވަސްކަން ފިލައިގެން ނުދާކަމަށެވެ.
އޭނާ ވިދާޅުވީ، ވޭތުވެދިޔަ ދެތިން ދުވަހު ސަންޢާގެ ތެރޭގައި ޙަމަލާ ބަދަލުކުރަމުން ނުދާކަމަށެވެ.
އަދި ޢާންމު ރައްޔިތުން ރަށުތެރެއަށް ނިކުމެ ޙަރަކާތްތެތެރިވާން ފަށައިފާވާކަމަށެވެ.
ސަންޢާގައި ހޮނިހިރު ދުވަހު ކުރިމަތިލުންތައް ހިންގަން ފެށީ އިދިކޮޅު ހޫޘީ ހަނގުރާމަވެރިންނައި އެ ޤައުމުގެ ކުރީގެ ރައީސް ޢަލީ ޢަބްދުﷲ ޞާލިޙަށް ތާޢިދުކުރާ ހަނގުރާމަވެރިންނާ ދެމެދު.
މިއާއެކު، ޞާލިޙް ޔަމަނުގެ ސަރުކާރާ ޞަރަޙައްދީ އިއްތިހާދަށް ތާޢީދުކުރާކަން އިޢުލާންކުރެއްވި.
އެހެންނަމަވެސް މިކަން އިއުލާނުކުރެއްވިތާ މާގިނަ އިރެއް ނުވެ ހޫޘީ ހަނގުރާމަވެރިން ދިން ޙަމަލާއެއްގައި ސާލިޙް ވަނީ އަވަހާރަކޮށްލާފައި.
ޔަމަނުގައި ޙަރަކާތްތެރިވާ އިންސާނީ އެހީދޭ ޖަމާޢަތްތަކުން ހާމަކުރާގޮތުގައި މިފަހަރުގެ ހަމަނުޖެހުންތަކުގައި، ދުއިސައްތަ އަށް ވުރެ ގިނަ މީހުން ވަނީ މަރުވެފައެވެ.