މާލެ ސިޓީ ނެޝެނަލް މިއުޒިއަމްގެ އުތުރުން އޮތް ޕާކިންޒޯނުގައި ޕާރކް ކޮށްފައި އޮތް ކާރެއްގައި ރޯވި އަލިފާން އެމްއެންޑީއެފުގެ މާލެ ފަޔަރ ސްޓޭޝަންގެ ފަޔަރމަނުން ނިއްވާލައިފިއެވެ.
އެމްއެންޑީއެފުން މަޢުލޫމާތުދޭގޮތުގައި މި ޙާދިސާގެ ރިޕޯޓް ލިބުނީ މިރޭ 20:50 ހާއިރުއެވެ. މި ހާދިސާގެ ރިޕޯރޓް ލިބުމުން އެމްއެންޑީއެފް މާލެ ފަޔަރ ސްޓޭޝަންގެ ފަޔަރމަނުންގެ ޓީމެއް އެޞަރަޙައްދަށް ގޮސް ކުރި މަސައްކަތުން 8 މިނެޓުގެ ތެރޭގައި އަލިފާން ނިއްވާލާފައިވާކަމަށް އެމްއެންޑީއެފުން ބުނެއެވެ. އެމްއެންޑީއެފުން ބުނާގޮތުގައި އަލިފާން ރޯވީ ކާރުގެ ޑިކީގައެވެ.
tw:https://twitter.com/MNDF_Official/status/974685435392741377
މި ޙާދިސާއާއި ގުޅިގެން އެެއްވެސް މީހަކަށް ގެއްލުމެއް ލިބިފައިނުވިނަމަވެސް، ރޯވި ކާރަށް ބޮޑެތި ގެއްލުން ލިބިފައިވާކަމަށް އެމްއެންޑީއެފުން ބުނެއެވެ. މި ޙާދިސާ މޯލްޑިވްސް ޕޮލިސް ސަރވިސް އިން ދަނީ ތަޙްޤީގު ކުރަމުންނެވެ.