ޗެމްޕިއަންސް ލީގާއި ޔޫރޮޕާ ލީގު ފުޓްބޯޅަ މުބާރާތުގެ އިނާމް ފައިސާގެ އަދަދަށް ޔޫއޭފާއިން ބޮޑު ބަދަލެއް ގެނެސްފިއެވެ.
މި ގޮތުން ހަމަޖައްސާފައިވަނީ އަންނަ ޓީމުތަކަށްދޭ އިނާމް ފައިސާގެ އަދަދު 2.06 ބިލިއަން ޕައުންޑުން 2.84 ބިލިއަނަށް އިތުރު ކުރުމަށެވެ.
މި ގޮތަށް ހަމަޖެއްސުމުން ޗެމްޕިއަންސް ލީގުގެ ޗެމްޕިއަން ޓީމަށް އިނާމެއްގެ ގޮތުގައި 3.5 މިލިއަން ޕައުންޑް ލިބޭނެއެވެ. މުބާރާތުގައި ވާދަކުރާ ކޮންމެ ޓީމަކަށް ތައްޔާރުވުމަށް 13 މިލިއަން ޕައުންޑްދޭ ގޮތަށް ނިންމިއިރު ގްރޫޕް ސްޓޭޖުން މޮޅުވާ މެޗަކަށް 2.3 މިލިއަން ޕައުންޑް ލިބޭނެއެވެ. އެއްވަރުވާ މެޗަކަށް ލިބޭނީ 787000 ޕައުންޑެވެ.
މުބާރާތުގެ ދެ ވަނަ ބުރަށްދާ ކޮންމެ ޓީމަކަށް 8.3 މިލިއަން ޕައުންޑް ލިބޭއިރު، ކުއާޓާ ފައިނަލަށްދާ ޓީމުތަކަށް 9.1 މިލިއަން ލިބޭނެ އެވެ. އަދި ސެމީފައިނަލް ކުޅޭ ކޮންމެ ޓީމަކަށް 10.5 މިލިއަން ޕައުންޑް ލިބޭނެ އެވެ. ފައިނަލަށް ދާ ޓީމަކަށް ލިބޭނީ 13.1 މިލިއަން ޕައުންޑެވެ.
މީގެ އިތުރުން ފާއިތުވެދިޔަ 10 އަހަރުގެ ނަތީޖާތަކަށް ބަލައި ގްރޫޕް ސްޓޭޖުގެ ފުލަށްދާ ޓީމަކަށްވެސް މަދުވެގެން ނުވަ ލައްކަ ޕައުންޑް ލިބޭނެ އެވެ.