ޕީއެސްއެމްގެ މެނޭޖިންގ ޑިރެކްޓަރ އިބްރާހީމް ޚަލީލް، ހަންގޭރީގެ އެމްބެސެޑަރ ޖިއޮރޖީ ސުހާ އާ، ބައްދަލުކުރައްވައި މީޑިއާގެ ދާއިރާއިން ދެފަރާތުގެ ގުޅުން އިތުރަށް ބަދަހިކުރުމާ ގުޅޭގޮތުން މަޝްވަރާކުރައްވައިފިއެވެ.
މިބައްދަލުވުމުގައި ހަނގޭރީގެ އެމްބެސްޑަރާއެކު އެޤައުމުގެ ބޮޑެތި މީޑިއާތަކުގެމައްޗަށް އެކުލެވޭ ވަފުދަކާއި ހަންގޭރީގެ ބޮޑެތި ޗެނަލްތަކުން ވަނީ ރާއްޖެއަށް ޒިޔާރަތްކޮށްފައެވެ.
މިބައްދަލުވުމުގައި މަޝްވަރާކުރި ކަންތައްތަކުގެ ތެރޭގައި ރާއްޖޭގެ ފަތުރުވެރިކަން އިސްތިހާރުކުރުމަށް އުފައްދާފައިވާ މަޝްހޫރު ޓީވީޗެނަލް މޯލްޑިވްސް ޓީވީ، ހަންގޭރީގެ ރައްޔިތުންނަށް ފެންނާނެ އިންތިޒާމުތަކެއް ހަމަޖެއްސުމާއި، ހަންގޭރީގެ ބައެއް މީޑިއާތަކާއި ޓީވީ ޗެނަލް ތަކުގެ ކޮންޓެންޓް ޕީއެސްއެމްއާ ޙިއްސާ ކުރުމާއި، ހަންގޭރީގެ ޗެނަލްތަކާއި ޕީއެސްއެމް ގުޅިގެން ރާއްޖެއާބެހޭ ބައެއް ޕްރޮގްރާމްތައް އުފެއްދުން ހިމެނެއެވެ.
މިބައްދަލުކުރެއްވުމުގައި ޕީއެސްއެމްގެ މެނޭޖިންގ ޑިރެކްޓަރ އިބްރާހީމް ޚަލީލް ވަނީ ރާއްޖޭގެ މީޑިއާގެ ދާއިރާއަށް ބޭނުންވެފައިވާ އިތުރު ޚިދުމަތްތަކާއި މުވައްޒަފުން ތަމްރީކުރުމަށް ބޭނުންވާ ދާއިރާ ތަކާ ގުޅޭގޮތުންވެސް މަޝްވަރާކޮށްފައެވެ. މި ބައްދަލުކުރެއްވުމުގައި ޕީއެސްއެމްގެ ބައެއް މުވައްޒަފުންވެސް ބައިވެރިވިއެވެ.