މެކްސިކޯގެ ވައަތުފިޔައިގެ ލީޑަރެއްކަމުގައިވާ އަންދްރޭސް މެނުއެލް ލޯޕޭޒް އޮބްރެދޯ، އެ ޤައުމުގެ ރިޔާސީ އިންތިޚާބު ކާމިޔާބުކުރައްވައިފިއެވެ. އާދީއްތަ ދުވަހު މެކްސިކޯގައި ބޭއްވި ރިޔާސީ އިންތިޚާބުގެ ވަގުތީ ނަތީޖާ ދައްކާގޮތަށް އޮބްރެދޯއަށް ވަނީ އިންތިޚާބުގެ %53 ވޯޓު ލިބިވަޑައިގެންފައެވެ.
ޢުމުރުން 64 އަހަރުގެ އޮބްރެދޯގެ ކެމްޕެއިން ވަޢުދުތަކުގެ ތެރޭގައި، ކޮރަޕްޝަން ނައްތާލުމަށް މަސައްކަތްކުރުމާއި، މަސްތުވާތަކެތީގެ ވިޔަފާރިއާ ދެކޮޅަށް ކުރާ މަސައްކަތްތަކަކީ ކުރިމަތިލުންތައް މަދު މަސައްކަތްތަކަކަށް ބަދަލުކުރުން ހިމެނެއެވެ. އިންތިޚާބުގެ ކާމިޔާބީ ފާހަގަކުރެއްވުމަށް ދެއްވި ތަޤުރީރެއްގައި އޮބްރެދޯ ވަނީ، އެމަނިކުފާނު، މެކްސިކޯގެ ތާރިޚުގައި ސިފަކޮށްފައި އޮންނަން އެމަނިކުފާނު ބޭނުންފުޅުވަނީ ހެޔޮ ވެރިއެއްގެ ގޮތުގައިކަމަށް ވިދާޅުވެފައެވެ.
އޮބްރެދޯއާ އެންމެ ގާތުން ވާދަކުރެއްވި ރިކާޑޯ އަނާޔާ އާއި ހޯސޭ އެންތޯނިއޯވެސް ވަނީ ބަލި ޤަބޫލުކުރައްވައި، އޮބްރެދޯއަށް މަރުޙަބާ ވިދާޅުވެފައެވެ.
މިއީ ދިހަ އަހަރު ދުވަހުގެ ތެރޭ މެކްސިކޯގެ ވައަތުފިޔައިގެ ޕާޓީއަކަށް އެ ޤައުމުގެ ރިޔާސީ އިންތިޚާބު ކާމިޔާބުކުރެވުނު ފުރަތަމަ ފަހަރެވެ.