ފުވައްމުލަކުގައި މިހާރު ކުރިއަށްދާ މައިލޯ އިންޓަރ ސްކޫލް އެތްލެޓިކްސް މީޓްގެ ދެވަނަ ދުވަހުގެ އިވެންޓްތައް ނިމުނުއިރު އެކި އުމުރުފުރާގެ ވަނަތައް އެކި ސްކޫލްތަކަށް ބެހިއްޖެއެވެ. އިވެންޓްތައް ކުރިއަށްދާވަރަކުން ވަނަތަކަށް ބަދަލު އަންނާނެއެވެ.
13 އަހަރުން ދަށުގެ ފިރިހެން ކުދިންގެ ބައިން 1 ވަނަ ހޯދީ ހދ.އަތޮޅު ތައުލީމީ މަރުކަޒެވެ. އެންމެ ގާތުން ވާދަކުރަނީ އަމީނިއްޔާ ސްކޫލެވެ. އަދި 3 ވަނާގައި އޮތީ ހާފިޒު އަހުމަދު ސްކޫލެވެ. މިއުމުރުގެ އަންހެން ކުދިންގެ ބައިން 1 ވަނަ ހޯދީ ހދ.އަތޮޅު ތައުލީމީ މަރުކަޒެވެ. 3 ވަނާގައި އޮތީ މަރަދޫފޭދޫ ސްކޫލެވެ.
15 އަހަރުން ދަށުގެ ފިރިހެން ކުދިންގެ ބައިން 1 ވަނާގައި އޮތީ ފުވައްމުލަކު އަތޮޅު ތައުލީމީ މަރުކަޒެވެ. 2 ވަނާގައި އޮތީ ގދ.އަތޮޅު ތައުލީމީ މަރުކަޒެވެ. އަދި 3 ވަނާގައި އޮތީ ހދ.އަތޮލު ތައުލީމީ މަރުކަޒެވެ. މިއުމުރުގެ އަންހެން ކުދިންގެ ބައިން 1 ވަނާގައި އޮތީ ޝަރަފުއްދީން ސްކޫލެވެ. 2 ވަނާގައި އޮތީ ހދ.އަތޮޅު ތައުލީމީ މަރުކަޒެވެ. 3 ވަނާގައި މިވަގުތު އޮތީ އަހުމަދިއްޔާ އިންޓަރނޭޝަނަލްއެވެ.
17 އަހަރުން ދަށުގެ ފިރިހެން ކުދިންގެ ބައިން 1 ވަނާގައި އޮތީ ގދ.އަތޮޅު ތައުލީމީ މަރުކަޒެވެ. 2 ވަނާގައި އޮތީ ފުވައްމުލަކު އަތޮޅު ތައުލީމީ މަރުކަޒެވެ. އަދި 3 ވަނާގައި އޮތީ އައްޑޫ ހައި ސްކޫލެވެ. އަންހެން ކުދިންގެ ބައިން 1 ވަނާގައި އޮތީ އައްޑޫ ހައި ސްކޫލެވެ. 2 ވަނާގައި އޮތީ ދަންދޫ ސްކޫލެވެ. 3 ވަނަ ލިބެނީ ގދ.އަތޮޅު ތައުލީމީ މަރުކަޒަށެވެ.
މިއަދުގެ އިވެންޓްތަކުގެ 1 ވަނަ ހޯދި އެތްލީޓުން؛
13 އަހަރުން ދަށުގެ ހާރޑްބޯލް ތްރޯގެ ފިިރިހެން ކުދިންގެ ބައިން 1 ވަނަ ހޯދީ އަމީނިއްޔާ ސްކޫލްގެ ނާއިހް އިލްޔާސް އަހުމަދެވެ.
13 އަހަރުން ދަށުގެ 200 މީޓަރު ރޭހުގެ އަންހެން ބައިން 1 ވަނަ ހޯދީ ޖަމާލުއްދީން ސްކޫލްގެ މަރިޔަމް ރޫޔާ އަލީއެވެ. ފިރިހެން ބައިން 1 ވަނަ ހޯދީ ދާންދޫ ސްކޫލްގެ ހަސަން އަބާން ނާޖީއެވެ.
17 އަހަރުން ދަށުގެ 200 މީޓަރުގެ ރޭހުގެ އަންހެން ކުދިންގެ ބައިން 1 ވަނަ ހޯދީ އައްޑޫ ހައި ސްކޫލްގެ އައިޝަތު ހިމްނާއެވެ. މި އިވެންޓްގެ ފިރިހެން ކުދިންގެ ބައިން 1 ވަނަ ހޯދީ ގދ.އަތޮޅު މަދަރުސާގެ މުޙައްމަދު ޝަފްރާންއެވެ.
200 މީޓަރުގެ 15 އަހަރުން ދަށުގެ އަންހެން ކުދިންގެ ބައިން 1 ވަނަ ހޯދީ ޝަރަފުއްދީން ސްކޫލްގެ މަރިޔަމް އަލްހާއެވެ.
100 މީޓަރު ދުވުމުގެ 17 އަހަރުން ދަށުގެ އަންހެން ކުދިންގެ ބައިން 1 ވަނަ ހޯދީ އައްޑޫ ހައިސްކޫލްގެ އައިޝަތު ހިމްނާއެވެ. ފިރިހެން ކުދިންގެ ބައިން 1 ވަނަ ހޯދީ ވިލާ އިންޓަރނޭޝަނަލްގެ މުޙައްމަދު ނާވީ އިބްރާހީމްއެވެ.
100 މީޓަރުގެ 13 އަހަރުން ދަށުގެ އަންހެން ކުދިންގެ ބައިން 1 ވަނަ ހޯދީ މަރަދޫފޭދޫ ސްކޫލްގެ އައިޝަތު ޝައިމްއެވެ. ފިރިހެން ކުދިންގެ ބައިން 1 ވަނަ ހޯދީ ދަރުމަވަންތަ ސްކޫލްގެ އީޒާން އަހުމަދުއެވެ. މިއިވެންޓްގެ 15 އަހަރުން ދަށުގެ ފިރިހެން ކުދިންގެ ބައިން 1 ވަނަ ހޯދީ ގދ.އަތޮލު ތައުލީމީ މަރުކަޒުގެ އިބްރާހީމް ރާފިލްއެވެ. އަންހެން ކުދިންގެ ބައިން 1 ވަނަ ހޯދީ ހދ.އަތޮޅު ތައުލީމީ މަރުކަޒުގެ ރިފާ މުޙައްމަދެވެ.
15 އަހަރުން ދަށުގެ އަންހެން ކުދިންގެ ބައިން ޝޮޓް ޕުޓްއިން 1 ވަނަ ހޯދީ އަހުމަދިއްޔާ އިންޓަރނޭޝަނަލްގެ އައިމިނަތު ޝާރާ އިބްރާހީމްއެވެ.
15 އަހަރުން ދަށުގެ ފިރިހެން ކުދިންގެ ބައިން ލޯންގް ޖަމްޕުން 1 ވަނަ ހޯދީ ގދ.އަތޮޅު ތައުލީމީ މަރުކަޒުގެ އިބްރާހީމް ރާފިލްއެވެ.
3000 މީޓަރު ދުވުމުގެ 17 އަހަރުން ދަށުގެ ފިިރިހެން ކުދިންގެ ބައިން 1 ވަނަ ހޯދީ އައްޑޫ ހައި ސްކޫލްގެ މުހާޖިރު ޒިޔާދުއެވެ. އަންހެން ކުދިންގެ ބައިން 1 ވަނަ ހޯދީ ގދ.އަތޮޅު ތައުލީމީ މަރުކަޒުގެ ސަމްހާ މުޙައްމަދެވެ.
ހާރޑްބޯލް 13 އަހަރުން ދަށުގެ އަންހެން ކުދިންގެ ބައިން 1 ވަނަ ހޯދީ މަރަދޫފޭދޫ ސްކޫލްގެ އައިޝަތު ޝައިމްއެވެ.