ފްރާންސްގެ ބޯޑޯ އަށް ކުޅޭ ބްރެޒިލްގެ ޒުވާން މިޑްފީލްޑަރު މަލްކޮމް ފިލިޕޭ ސިލްވާ ޑި އޮލިވޭރާ 41 މިލިއަން ޕައުންޑަށް ބާސެލޯނާ އަށް ސޮއިކޮށްފިއެވެ.
އުމުރުން މިހާރު 21 އަހަރުގެ ކުޅުންތެރިޔާ ފަސް އަހަރުގެ އެގްރީމެންޓެއްގައި ބާސެލޯނާއަށް ގެންދިޔައީ ބްރެޒިލްގެ ވިލިއަން ގަތުމަށް ކުރި މަސައްކަތް ނާކާމިޔާބުވުމުންނެވެ. މަލްކޮމް ވަނީ ބޯޑާއަށް މިދިޔަ ސީޒަނުގައި 35 މެޗުން 12 ގޯލު ޖަހާދީފައެވެ.
މަލްކޮމް އަކީ މިހާތަނަށް ބްރެޒިލްގެ ސީނިއާ ޤައުމީ ޓީމަށް ކުޅެފައިވާ ކުޅުންތެރިއެއްނޫނެވެ. ނަމަވެސް އޭނާ މިހާރު ދައްކަމުން އަންނަ ކުޅުމުގެ ސަބަބުން އިނގިރޭސި ކުލަބު ޓޮޓެންހަމާއި އާސެނަލް ފަދަ ކުލަބުތަކުން އޭނާ ގަތުމަށް މަސައްކަތް ކުރިއެވެ.
މަލްކޮމް އަކީ އާ ސީޒަނަށް ބާސެލޯނާއަށް ގެންދިޔަ ތިން ވަނަ ކުޅުންތެރިޔާއެވެ. ބާސެލޯނާއިން އެމެރިކާ އަށް ކުރާ ޕްރީސީޒަން ދަތުރުގެ ކުރިން ޓީމާ ގުޅުމަށް މަލްކޮލް މާދަމާ އިޓަލީގައި މެޑިކަލް ހަދާނެ އެވެ.