ފްރާންސްގެ މިޑްފީލްޑަރު ތޯމަސް ލެމާ ސްޕޭނުގެ އެތްލެޓިކޯ މެޑްރިޑަށް ސޮއިކޮށްފި އެވެ.
އެކުލަބުގެ ކުޅުންތެރިއެއްގެ ގޮތުގައި އޭނާ ދައްކާލުމުގެ ރަސްމިއްޔާތުގައި ލެމޭ ބުނީ ކުލަބާމެދު އޭނާ ވަރަށް ބޮޑަށް ހިތްހަމަޖެހޭ ކަމަށެވެ.
"އަހަންނަށް (އެތްކެޓިކޯގެ ފްރާންސް ދެ ކުޅުންތެރިން ކަމަށްވާ) ލޫކަސް އާއި އެންޓޮއިން (ގްރިއެޒްމަން) މިކުލަބުގެ ވަރަށް ގިނަ ވާހަކަތައް ވަނީ އޮޅުންފިލުވާދީފައި. އަހަރެން މިހުރީ ވަރަށް ހިތްހަމަޖެހިފައި،" ލެމާ ބުންޏެވެ.
އޭނާ އެތްލެޓިކޯ އަށް ކުޅެން ނިންމީ މި މަހުގެ 15ގައި ރަޝިޔާގައި ނިމުނު ވޯލްޑް ކަޕް ހިނގަމުންދަނިކޮށެވެ.
ލެމާ އަކީ ޔޫރަޕުގެ ގިން ކުލަބުތަކަކުން ފާރަލަމުން އައި ކުޅުންތެރިއެކެވެ.
އުމުރުން 22 އަހަރުގެ ކުޅުންތެރިޔާ ބުނީ ފުރަތަމަ 11 އަށް އެރޭނީ ވަރަށް ބުރަކޮށް މަސައްކަތްކޮށްގެންކަން އޭނާ އަށް އެނގޭ ކަމަށާއި ހިތްވަރާއެކު މަސައްކަތް ކުރަން ތައްޔާރަށް ހުރި ކަމަށެވެ.