ބާސެލޯނާގެ ރަސްމީ ދަނޑު ކަމަށްވާ ކޭމްޕްނޯގެ ނަން ވިޔަފާރި އުސޫލުން ވިއްކާލަން ނިންމައިފިއެވެ.
ނަމަވެސް މިކަން ފާސްކުރާނީ އަންނަ އަހަރު ބާއްވާ ކުލަބުގެ އަހަރީ ބައްދަލުވުމުގައި ނަތާ ވޯޓުންނެވެ.
ސްޕޭނުގެ މީޑިޔާތަކުން ބުނާ ގޮތުގައި ބާސެލޯނާއިން ދަނީ ސްޓޭޑިއަމްގެ ނަން ވިއްކާލުމަށް ޔޫރަޕާއި އޭޝިޔާގެ ބޮޑެތި ކުންފުނިތަކާއެކު އެންމެ ފަހުގެ ވާހަކަތައް ދައްކަން ފަށާފަ އެވެ.
1957 ވަނަ އަހަރުން ފެށިގެން ބާސެލޯނާއިން ބޭނުންކުރަމުން އަންނަ ސްޓޭޑިއަމުގެ ނަން ވިޔަފާރި އުސޫލުން ދޫކޮށްލަން ނިންމީ އެ ސްޓޭޑިއަމް ބޮޑުކޮށް، އާ ހިދުމަތްތައް ތައާރަފް ކުރުމަށާއި ކުލަބުގެ އާމްދަނީ އިތުރުކުރުމަށެވެ.
މި ޕްރޮޖެކްޓަށް ޖުމުލަ 600 މިލިއަން ޔޫރޯ ހަރަދުވާއިރު 20 އަހަރުގެ މުއްދަތަށް ސްޓޭޑިއަމްގެ ނަން ވިއްކާލާނީ މަދުވެގެން 300 މިލިއަން ޔޫރޯ އަށް ކަމަށްވެ އެވެ.
ބާސެލޯނާގެ ނޯކޭމްޕަށް މިހާރު ވަދެވެނީ 95000 މީހުންނަށެވެ. ނަމަވެސް ސްޓޭޑިއަމް އަލުން މަރާމާތުކޮށް ނިމޭއިރު 105،000 މީހުންނަށް ކުޅިބަލަން ވަދެވޭނެ އެވެ.