ދުނިޔޭގެ އެންމެ މޮޅު ބެޓްސްމަނަކަށް ވިރާތްކޯލީ

ދުނިޔޭގެ އެންމެ މޮޅު ބެޓްސްމަންގެ މަޤާމު އިންޑިޔާގެ މަޝްހޫރު ބެޓްސްމަން ވިރާތުކޯލީ ހޯދައިފިއެވެ.

އޭނާ މި މަޤާމު ހޯދީ އިނގިރޭސިވިލާތް އަތުން އިންޑިޔާ އިއްޔެ މޮޅުވި ޓެސްޓް ކްރިކެޓް މެޗުގައި ނުބައިނުވެ ފުރަތަމަ އިނިންގްސްގައި 149 ލަނޑު އަދި ދެ ވަނަ އިނިންގްސްގައި 51 ލަނޑު ހަދައިގެންނެވެ.
އުމުރުން މިހާރު 29 އަހަރުގެ އިންޑިޔާގެ ކެޕްޓަނަށް އެންމެ މޮޅު ބެޓްސްމަންގެ މަޤާމު ލިބުނުއިރު މީގެ ކުރިން މި މަޤާމުގައި ހުރީ އޮސްޓްރޭލިޔާގެ ސްޓީވް ސްމިތެވެ. ދުނިޔޭގެ ބެޓްސްމަނުންގެ ރޭންކިންގެ އެންމެ ކުރިން އޭނާ ފަހަތަށް މިދިޔައީ 32 މަސް ދުވަހަށްފަހުއެވެ.

ވިރާތް ކޯލީ އަކީ އިންޑިޔާގެ ސަޗިން ޓެންޑުލްކަރަށްފަހު އެ ޤައުމުން ދުނިޔޭގެ އެންމެ މޮޅު ބެޓްސްމަނުގެ މަޤާމު ހޯދި ފުރަތަމަ ކުޅުންތެރިޔާއެވެ.