އަދާލަތު ޕާޓީގެ ކުރީގެ ރައީސް ޝައިޚް އިމްރާން ޢަބްދުﷲ ގެ މައްޗަށް ކޮށްފައިވާ ޖަލު ހުކުމްގެ މައްސަލަ އަލުން ބަލައިދިނުމަށް ސުޕްރީމް ކޯޓަށް ހުށަހަޅައިފިއެވެ.
އަދާލަތު ޕަޓީގެ ނާއިބު ރައީސް ޢަލީ ޒާހިރު ވިދާޅުވި އަދާލަތު ޕާޓީން މީގެ ކުރިން ޝެއިޚް އިމްރާންގެ ޖަލު ހުކުމްގެ މައްސަލަ ސުޕްރީމް ކޯޓަށް ހުށައެޅި ނަމަވެސް އެމައްސަލަ ސުޕްރީމް ކޯޓުން ބަލައިގެންފައި ނުވާތީ އަލުން އެނިންމުން މުރާޖާކޮށްދިނުމަށް އެދި ސުޕްރީމްކޯޓަށް ހުށަހެޅީކަމަށެވެ. އަލީ ޒާހިރުގެ ޓްވީޓުގައި ވިދާޅުވެފައިވަނީ ގުޅިފައިވާ ޕާޓީތަކުގެ ލީޑަރުން މިނިވަންވުމަކީ އިންތިޤާލީ މަރުޙަލާގައި ކުރިއަށްގެންދާ މަސައްކަތްތަކަށް ނުހަނު ބޭނުންތެރިކަމެއްކަމަށެވެ.
އަދާލަތު ޕާޓީގެ ކުރީގެ ރައީސް ޝެއިޚް އިމްރާން ޢަބްދުﷲ ގެ މައްޗަށް 12 އަހަރުގެ ޖަލުޙުކުމެއް އިއްވާފައިވަނީ 2015 ވަނަ އަހަރުގެ މެއި މަހުގެ 1 ވަނަ ދުވަހު ސަރުކާރާ އިދިކޮޅު ފަރާތްތަކުން މާލޭގައި ބޭއްވި މުޒާހަރާގައި ހަމަނުޖެހުން ހިންގުމަށް ބާރުދީ ވާހަކަދައްކާފައިވާކަމަށް ބުނެއެވެ. މިމައްސަލައިގައި ދައުލަތުން އޭނާގެ މައްޗަށް އުފުލާފައިވަނީ ޓެރަރިޒަމްގެ ދަޢުވާއެވެ.