މޫސުން ގޯސްވުމާ ގުޅިގެން ދިރާގު ސްޕެޝަލް ސްޕޯޓްސް ފެސްޓިވަލް 2018 ފަސްކޮށްފިއެވެ.
ޚާއްސަ އެހީއަށް ބޭނުންވާ މީހުންނަށް އަމާޒުކޮށްގެން ބާއްވާ މި ސްޕޯޓްސް ފެސްޓިވަލް މިއަދު ބާއްވަން ކުރިން ނިންމާފައިވީނަމަވެސް މިހާރު އިވެންޓު ކުރިއަށްގެންދިޔުމަށް ހަމަޖެހިފައިވަނީ އަންނަ ނޮވެމްބަރު މަހުގެ ފުރަތަމަ ހަފްތާގެ ތެރޭގައިކަމަށް ދިރާގުން ބުނެއެވެ. މޫސުން ގޯސްވުމާގުޅިގެން ދިރާގު ސްޕެޝަލް ސްޕޯޓްސް ފެސްޓިވަލް 2018 ފަސްވިނަމަވެސް މިހާރުވެސް ރާވާފައިވާ ގޮތަށް އެހަރަކާތް އެހެން ތާރީޚެއްގައި ކުރިއަށްގެންދިޔުމަށް ހަމަޖެހިފައިވާކަމަށް ދިރާގުން ބުނެއެވެ.
ދިރާގުގެ އިޖުތިމާޢީ ޒިންމާގެ ދަށުން ކުރިއަށްގެންދާ މިޙަރަކާތުގައި ޚާއްސަ އެހީއަށް ބޭނުންވާ ތިންސަތޭކަ ނުވަދިހަ ކުދިން ބައިވެރިވާނެކަމަށާއި އޭގެ އިތުރުންވެސް 11 ސްކޫލަކާއި 4 އެންޖީއޯ އަކުން ބައިވެރިވާކަމަށް ދިރާގުން ބުނެއެވެ. މިއީ ދިރާގުން އިންތިޒާމުކުރާ މި ސްޕޯޓްސް ފެސްޓިވަލް ބާއްވާ 8 ވަނަ އަހަރެވެ.