މިވަގުތު ދުނިޔޭގެ އެންމެ މޮޅު ޓީމަކީ ލިވަޕޫލް ކަމަށް މެންޗެސްޓާ ސިޓީގެ ކޯޗު ޕެޕް ގާޑިއޯލާ ބުނެފިއެވެ.
އެންމެ ފަހުގެ ޗެމްޕިއަން ސިޓީގެ ކޯޗު ގާޑިއޯލާ މިހެން ބުނީ ހަތް ޕޮއިންޓްގެ ލީޑަކާއެކު ލިވަޕޫލް އެއްވަނާގައި އޮތުމުންނެވެ. ގާޑިއޯލާ ބުނީ ޗެމްޕިއަންކަން ހޯދަން އޮތް އެންމެ ބޮޑު ހުރަހަކީ ސިޓީއަށް ވުރެއް މޮޅު ޓީމެއް މިވަގުތު ލީގްގައި އޮތުންކަމަށާއި ލިވަޕޫލް ޔޫރަޕްގެ ތައްޓަށް ވާދަކުރާނެކަމަށެވެ. އެއީ މިވަގުތު ދުނިޔޭގެ އެންމެ މޮޅު ޓީމްކަމަށައި، ލިވަޕޫލް އޮތީ ވަރަށް ރަނގަޅު ފޯމެއްގައިކަން ގާޑިއޯލާ ފާހަގަކުރިއެވެ.
"އަހަރެން ގަބޫލުކުރާ ގޮތުގައި މިހާރު ޔޫރަޕްގެ އެންމެ މޮޅު ކުލަބަކީ ލިވަޕޫލް، އެންމެ ވާދަވެރި ލީގުގައި އަދި އެޓީމް ބައްޔެއް ނުވޭ" ގާޑިއޯލާ ބުންޏެވެ.
ގާޑިއޯލާ ބުނީ ލިވަޕޫލަށް ޑިސެމްބަރު މަހަކީ ވަރަށް ކާމިޔާބު މަހެއް ކަމަށެވެ. މި ގޮތުން ލިވަޕޫލް ޑިސެމްބަރު މަހު ކުޅުނު ހަތް މެޗުން ވެސް މޮޅުވެފައިވާއިރު ސިޓީ ދެ މެޗަކުން ބަލިވުމަކީ ދެ ޓީމުގެ ތަފާތު ފެންނަކަމެއްކަމަށް އޭނާ ބުންޏެވެ.
ލިވަޕޫލް މިވަގުތު އޮތީ 54 ޕޮއިންޓާއެކު ތާވަލުގެ ކުރީގަ. ސިޓީ އޮތީ 47 ޕޮއިންޓާއެކު ދެ ވަނާގައެވެ. މިވަގުތު ލިވަޕޫލް ދައްކަމުންދާ ކުޅުމަށް ދުނިޔޭގެ ގިނަ ބަޔަކު ދަނީ ތައުރީފް ކުރަމުންނެވެ.