އެފްރިކާ ކަޕް މިސުރުގައި ބާއްވަން ހަމަޖައްސައި ކުރިއަށްހުރި މުބާރާތްތަކާމެދު ނިންމަން ގަސްތުރާ ގޮތުގެ ސަބަބުން އެފްރިކާގެ މެމްބަރު ގައުމުތަކުގައި މެދުގައި ހިޔާލުތަފާތުވުން ބޮޑުވެއްޖެއެވެ.
މިސުރުގައި މި އަހަރުގެ ޖޫން މަހު މުބާރާތް ބާއްވަން ނިންމީ އެފްރިކާގެ ފުޓްބޯޅައިގެ މައި ޖަމާއަތުގެ ހިންގާ ކޮމިޓީގެ 16 މެމްބަރުގެ ތެރެއިން 15 މެމްބަރުގެ ތާއީދާއެކުއެވެ. މި މުބާރާތް ކުރިން ބާއްވަން އޮތީ ކެމަރޫނުގައެވެ. ނަމަވެސް މިދިޔަ ނޮވެމްބަރު މަހު ކެމަރޫނުގައި މުބާރާތް ނުބާއްވަން ނިންމީ މުބާރާތަށް ތައްޔާރުވުމަށް އެގައުމުގެ މަސައްކަތް މާބޮޑަށް ލަސްވަމުންދިއުމުންނެވެ. އަދި މުބާރާތް ފަށަންވާއިރަށް ކެމަރޫނަށް ތައްޔާރު ނުވެވޭނެތީއެވެ.
މިއާއެ މިސުރަށް ފުރުސަތު ދިނުމަށްފަހު އެފްރިކާގެ ފުޓްބޯޅަ ޖަމާއަތުން ވަނީ ކޮންމެ ދެ އަހަރަކުން ބާއްވާ މުބާރާތް 2021 ވަނަ ވަނަ ކެމަރޫނުގައި ބާއްވަން އެ ގައުމަށް ފުރުސަތުދޭން ވިސްނާކަމަށް ބުނެފަ އެވެ. މިގޮތުން 2021 ވަނަ އަހަރާއި 2023 ވަނަ އަހަރުގެ މުބާރާތް ބާއްވާ ގައުމުތަކުން އެ މުބާރާތްތައް ފަސްކުރުމަށް ވެސް ވަނީ ގޮވާލައިފައެވެ.
މިކަމާ ދެކޮޅަށް ކޯޓް އޮފް އާބިޓްރޭޝަނަށް ދާނެކަން 2021 ވަނަ އަހަރުގެ މުބާރާތް ބާއްވަން ހަމަޖައްސާފައިވާ އައިވަރީ ކޯސްޓުން ވަނީ ނިންމައިފަ އެވެ. ނަމަވެސް 2023 ވަނަ އަހަރުގެ މުބާރާތް ބާއްވަން ހަމަޖައްސާފައިވާ ގިނީން ވަނީ އެގައުމުގައި 2025 ވަނަ އަހަރު މުބާރާތް ބާއްވަން އެއްބަސްވެފައެވެ.
މި އަހަރުގެ ޖޫން މަހު ބާއްވާ މުބާރާތަށް މިސުރާއެކު ދެކުނު އެފްރިކާ ވެސް ކުރިމަތިލި އެވެ. އެގައުމަކީ 2010 ވަނަ އަހަރުގެ ވޯލްޑް ކަޕް ބޭއްވި ގައުމެވެ. ނަމަވެސް މިސުރުން ކުރި ހޯދއިރު އެ ގައުމުން މުބާރާތަށް ފަސް ސްޓޭޑިއަމެއް ތައްޔާރުކުރާނެއެވެ.