ޗެލްސީ ކުޅުންތެރިންގެ ވިސްނުން ބަދަލުކޮށް ކާމިޔާބީއާއި ހަމައަށްދާން އުނދަގޫވާނެ ކަމަށް ކޯޗު މައުރީސިއޯ ސާރީ ބުނެފި އެވެ.
އޭނާ މިހެން ބުނީ އިނގިރޭސި ޕްރެމިއާ ލީގުގައި ރޭ ބޯނެމައުތް އަތުން 4-0އިން ބަލިވި މެޗަށް ފަހު. ނޫސްވެރިންނާއި ވާހަކަ ދައްކަމުންނެވެ.
މި ބައްޔާއެކު ޗެލްސީ ވަނީ 47 ޕޮއިންޓާއެކު ފަސް ވަނަ އަށް ވެއްޓީފަ. އެއީ އާސެނަލްއާ ޕޮއިންޓްގެ ގޮތުން ހަމަހަމަވެ ގޯލުގެ ތަފާތުންނެވެ.
ސަރީ ބުނީ ރޭގެ މެޗުގެ ނަތީޖާއާއި ކުޅުމާމެދު ސަޕޯޓަރުންގެ ކިބައިން އޭނާ މައާފަށް އެދޭ ކަމަށެވެ. އަދި ފުރަތަމަ ހާފަށްވުރެ ދެ ވަނަ ހާފު ގޯސްވީ ކުޅުންތެރިންނަށް އެކަށީގެންވާ ވަރަށް މެޗަށް ސަމާލުކަން ނުދެވިގެން ކަމަށް ސާރީ ބުންޏެވެ.
ސަރީ ބުނީ ޗެލްސީގައި ތިބީ މޮޅު ކުޅުންތެރިން ކަމަށާއި ބޯނެމައުތް ކަހަލަ ޓީމަކުން ކުޅެފާނެ އުނދަގޫ ކުޅުމަށް ޗެލްސީގެ ތަރިންނަކީ ހޭނިފައި ތިބެންޖެހޭ ބައެއް ކަމަށެވެ. ސާރީ ބުނީ މިފަދަ ޓީމުތަކާއެކު ކުޅޭއިރު ވަރަށް ގިނަ އުނދަގޫތައް ހުންނާނެކަން އޭނާގެ ޓީމުގެ ކުޅުންތެރިންނަށް އެނގޭނެކަމަށެވެ.