މެސީގެ 50 ވަނަ ހެޓްރިކާއެކު ބާސެލޯނާ ސްޕެނިޝް ލީގުގެ ތާވަލުގެ އެއްވަނާގައި ލީޑް ދަމަހައްޓައިފިއެވެ.
ސެވިއްޔާ އަތުން 4-2އިން ރޭ ބާސެލޯނާ މޮޅުވި މެޗުގައި ސެވިއްޔާއިން ދެ ފަހަރު ލީޑް ނެގިއެވެ.
ޖީސަސް ނަވާސް 22 ވަނަ މިނިޓްގައި ލަނޑު ޖަހާފައިވަނިކޮށް މެސީ ނަތީޖާ އެއްވަރުކުރީ 26 ވަނަ މިނިޓްގައެވެ.
ސެވިއްޔާއިން ދެ ވަނަ ފަހަރަށް ލީޑް ނެގީ ފުރަތަމަ ހާފު ނިމެން ދެ މިނިޓަށްވެފައިވަނިކޮށް ގަބްރިއަލް މާކޭޑޯ ޖެހި ގޯލުންނެވެ. ދެ ވަނަ ފަހަރަށް މެސީ ނަތީޖާ ހަމަހަމަކުރީ 67 މިނިޓްގައެވެ.
ބާސެލޯނާ މޮޅުވި ލަނޑު މެސީ ޖެހީ މެޗު ނިމެން ފަސް މިނިޓަށްވެފައިވަނިކޮށެވެ. އަދި އިތުރު ވަގުތުގައި ހަތަރު ވަނަ ލަނޑު ޖެހީ ލުއިސް ސުއަރޭޒެވެ.
މެޗަށް ފަހު މެސީ ބުނީ ސެވިއްޔާއަކީ ވަރަށް ވާދަވެރި ޓީމެއް ކަމަށާއި އެމީހުން އަތުން މޮޅުވުމަކީ ވަރަށް ބޮޑު ހިތްހަމަޖެހުމެއް ކަމަށެވެ. އަދި ޓޭބަލުގައި 10 ޕޮއިންޓްގެ ލީޑެއް ލިބުމަކީ ތަށި ޔަގީންވުންނޫން ކަމަށެވެ.