ބޯފެނަށް ޖެހިގެން މިހާތަނަށް 63 ރަށަކުން ރިޕޯޓްކޮށްފައިވާއިރު، 31 ރަށަކަށް ފެން ފޯރުކޮށްދީފައިވާކަމަށް ޑިޒާސްޓަރ މެނޭޖްމަންޓް ސެންޓަރުން ބުނެފިއެވެ.އެ ސެންޓަރުން ބުނީ ހަތަރުހާސް ފަސްދޮޅަސް ހަތަރު ޓަނުގެ ފެނަށް މިހާތަނަށް އެދިފައިވާކަމަށާއި ދެހާސް ސާޅީިސްއެއް ޓަނުގެ ފެން އެކި ރަށްރަށަށް ފޯރުކޮށްދީފައިވާކަމަށެވެ.ފެން ފޯރުކޮށްދެވުނު ރަށްރަށުގެ ތެރޭގައި ގއ. މާމެންދޫއާއި ވިލިގިއްޔާއި ނ. ހޮޅުދޫއާއި ބ. ދަރަވަންދޫއާ ހިތާދޫއާ ރ. މަޑުއްވަރިއާއި ޅ. ހިންްނަވަރު ހިމެނެއެވެ.މީގެ ތެރެއިން ޅ. ހިންނަވަރަށް 450 ޓަނުގެ ފެން ފޯރުކޮށްދީފައިވާކަމަށާއި ގއ. ވިލިނގިލިއަށް 220 ޓަނުގެ ފެންފޯރުކޮށްދީފައިވާކަމަށް ޑިޒާސްޓަރ މެނޭޖްމަންޓް ސެންޓަރުން ބުނެއެވެ.އެ ސެންޓަރުން ރަށްރަށަށް ފެން އުފުލަނީ ފެން އުފުލުމަށް ބޭނުން ކުރާ ދޯނިފަހަރުގައި ހަދާފައި ހުންނަ ފެން ރައްކާކުރާ ޓޭންކުތަކުގައެވެ.ކޮންމެ އިރުވައި މޫސުމެއްގެ މިދުވަސްވަރަކީ އާއްމުކޮށް ވާރޭވެހުން މަދު ދުވަސްވަރެކެވެ. ހުޅަނގު މޫސުމުގެ ވިއްސާރަ ކުރަންފަށާނީ އާންމުގޮތެއްގައި މެއިމަހުގެ މެދުތެރޭގައެވެ.