ރާއްޖޭގެ އެކި ހިސާބުތަކުގައި ކަނޑައިގެން ގޮސްފައިވާ، ހުރިހާ ކަނދުފައްޗެއް ހަރުކޮށް ނިމިއްޖެކަމަށް ފިޝަރީޒް އެންޑް އެގްރިކަލްޗައި އިން ބުނެފިއެވެ.ފިޝަރީޒް މިނިސްޓްރީން ބުނެފައި ވަނީ އޮއިވާލި ކަނޑުފަތި ހަރުކުރުމުގެ މަޝްރޫއުގެދަށުން ރާއްޖޭގެ އުތުރާއި ދެކުނުގެ ސަރަޙައްދުތަކުން ކަނޑައިގެން ގޮސްފައިވާކަމަށް އެމިނިސްޓްރީއަށް ރިޕޯރޓްކޮށްފައިވާ އޮއިވާލި ކަނދުފަތިތައް އަލުން އަޅާ ނިމިފައިވަކަމަށެވެ.މި ކަނދުފަތި އަޅާދީފައިވަނީ ފިޝަރީޒް މިނިސްޓްރީގެ " ލޯބޮޑު" ދޯނީގައި ރާއްޖެގެ އެކި ސަރަހައްދުތަކަށް ކުރި ދަތުރުގައިކަމަށް އެމިނިސްޓްރީން ބުނެފައިވެއެވެ. މި އަހަރު މިހާތަނަށް އެގާރަ ކަނދުފައްޗެއް އަލުން އަޅާދީ ނިމިފައިވާކަމަށާއި ރާއްޖޭގެ މަސްކަނޑުތަކުގައި މަސްވެރިކުރުމަށް ފަންސާސް ހަތަރު އޮއިވާލި ކަނދުފަތި އޮނާނެކަމަށް ފިޝަރީޒް މިނިސްޓްރީން މައުލޫމާތުދެއެވެ.