އާ ގާނޫނުލް އުގޫބާތަށް އަމަލްކުރުމަށް ޤާނޫނު ތަންފީޒްކުރާ ހުރިހާ ފަރާތެއް މިހާރު ވަރަށް ފުރިހަމައަށް ތައްޔާރުވެފައިކަމަށް ބަންޑާރަ ނައިބު މުހައްމަދު އަނިލް ވިދާޅުވެއްޖެއެވެ.ފުލުހުންގެ އެންމެ އިސް ފަރާތްތައް އާ ޤާނޫނުލް އުގޫބާތަށް އަހުލުވެރިކުރުމަށް އިސްކަންދަރު ކޮށީގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުން ބަންޑާރަ ނައިބު އަނިލް ވިދާޅުވީ، އާ ޤާނޫނުލް އުގޫބާތުން ރާއްޖޭގެ ޖިނާއީ އަދުލުގެ ނިޒާމަށް ބޮޑު އިންގިލާބެއް ގެނުވާނެކަމަށެވެ.އެގޮތުން ޤާނޫނު ތަންފީޒްކުރާ ހުރިހާ ފަރާތްތަކެއްވެސް އާ ޤާނޫނުލް އުގޫބާތަށް ތައްޔާރުވެފައިވާކަން ފާހަގަކުރައްވާ ބަންޑާރަ ނައިބު ވިދާޅުވީ، މިފަދަ ބޮޑު ޤާނޫނަކަށް އަމަލްކުރަން ފަށާއިރު ބައެއް ތަކްލީފްތައްވެސް ހުންނާނެކަމަށާއި، އެކަމަށްވެސް އެހުރިހާ ފަރާތްތައް ތައްޔާރުކަމަށެވެ.އާ ގާނޫނުލް އުގޫބާތް ރައްޔިތުންގެ މަޖިލީހުން ފާސްކުރި ފަހުންވެސް ފާހަގަ ކުރެވުނު ކުދި އުނިކަންތައް ރައްޔިތުންގެ މަޖިލީހަށް ފޮނުވާފައިވާކަން ފާހަގަކުރައްވާ ބަންޑާރަ ނައިބު އަނިލް ވިދާޅުވީ، އެ އިސްލާހުތައްވެސް އެޤާނޫނަށް އަމަލްކުރަން ފެށުމުގެ ކުރިން ރައްޔިތުންގެ މަޖިލީހުން ފާސްކޮށްދެއްވާނެކަމަށް އުއްމީދުކުރައްވާކަމަށެވެ.ބަންޑާރަ ނައިބު ވިދާޅުވީ، ކުށްތަކަށް އިންސާފް ހޯދައިދެވޭނީ މި ގާނޫނުލް އުގޫބާތަށް އަހްލުވެރިވެގެންކަމަށެވެ. އެގޮތުން މިއީ މިހާތަނައް ޤާނޫނަކަށް އެންމެ ބޮޑަށް ތައްޔާރުވެވުނު ފަހަރުކަމަށް ވިދާޅުވިއެވެ.އެއް އަހަރު ދުވަހުގެ ތެރޭގައި ތިން ހާހަށްވުރެ ގިނަ ފަރާތްތައް އާ ޤާނޫނުލް އުގޫބާތައް އަހްލުވެރި ކުރެވުނުކަން ބަންޑާރަ ނައިބު އަނިލް ފާހަގަކުރެއްވިއެވެ.މިއަދުގެ ރަސްމިއްޔާތުގައި މި މަސައްކަތު ބައްދަލްވުން ފުރިހަމަ ކުރި ފުލުހުންނަށް ހަނދާނީ ލިއުން ވަނީ ދެއްވާފައެވެ.އާ ގާނޫނުލް އުގޫބާތައް އަމަލްކުރަން ފަށާނީ މިމަހުގެ ތޭރަވަނަ ދުވަހުއެވެ.