ނުރައްކާތެރި ފައިދިގު މަކުނުގެ ބާވަތެއްކަމަށްވާ "ބްލެކް ވިޑޯ"ގެ ގިނަ އަދަދެއްގެ ބިސްތަކެއް މާލޭ ސޯޝަލް ސެންޓަރު ތެރެއިން ފެނިއްޖެކަމަށް ފުލުހުން ބުނެފިއެވެ.އެމް ބީ ސީ ނިއުސްއަށް މައުލޫމާތު ލިބިފައިވާ ގޮތުގައި ސޯޝަލް ސެންޓަރުގެ ތިން ސަރަހައްދަކުން ބްލެކް ވިޑޯގެ ބިސްތައް ފެނިފައިވެއެވެ.ފުލުހުން ބުނީ ބްލެކް ވިޑޯގެ ބިސް ފެނުނު ނަމަވެސް އެ ސަރަހައްދުން އެއްވެސް ވަރަކަށް ބްލެކް ވިޑޯ ފައިދިގުމަކުނު ފެނިފައިނުވާކަމަށެވެ. އަދި އެ ބިސްތައް ނައްތާލުމުގެ މަސައްކަތް މިހާރު ކުރިއަށްގެންދާ ކަމަށާއި، އިތުރު ބިސް ފެނޭތޯ ސޯޝަލް ސެންޓަރު ހިމެނޭ ސަރަހައްދު ބަލާފައިވާ ކަމަށްވެސް ފުލުހުން މައުލޫމާތުދެއެވެ.ބްލެކް ވިޑޯއަކީ ދުނިޔޭގައި އުޅޭ އެންމެ ނުރައްކާތެރި ވައްތަރުގެ ފައިދިގުމަކުނުގެ ބާވަތެކެވެ.ދެހާސް ދިހަ ވަނަ އަހަރުން ފެށިގެން ރާއްޖޭގެ އެކި ކަންކޮޅުތަކުން މި ވައްތަރުގެ ފައިދިގު މަކުނު ފެންނަމުންދާކަމަށް ފިޝަރީޒް މިނިސްޓްރީން މައުލޫމާތުދެއްވައެވެ.