ސައުދީ ސަރުކާރުން ރާއްޖެއަށް 50 ޓަނުގެ ކަދުރު ހަދިޔާކޮށްފިއެވެ.މިއަދު ފިނޭންސް މިނިސްޓްރީގައި އޮތް ރަސްމިއްޔާތެއްގައި ދިވެހި ސަރުކާރުގެ ފަރާތުން ކަދުރާ ހަވާލުވެފައިވަނީ ފިނޭންސް މިނިސްޓަރުގެ ނައިބު އަބްދުއްﷲ ނާޝިދުއެވެ. އަދި ސައުދީ ސަރުކާރުގެ ފަރާތުން މިތަކެތި ހަދިޔާކޮށްދެއްވީ ސައުދީ ފިނޭންސް މިނިސްޓްރީގެ 2 އޮފިޝަލުން ކަމަށްވާ އަބްދުއްﷲ އަބްދުއްރަޙްމާން އަލް ހުސައިނީއާއި، މުހައްމަދު އަބްދުއްރަޙްމާން ބިން ސަބީޙްއެވެ.ސައުދީ ސަރުކާރުން ކޮންމެ އަހަރަކުވެސް ރާއްޖެއަށް ކަދުރު ހަދިޔާކުރެއެވެ. މި އަހަރު ސައުދީން ހަދިޔާކުރި 50 ޓަނުގެ ކަދުރުގެ އަގު ހަތްދިހަ ހާސް އެމެރިކާޑޮލަރަށް އަރާކަމަށް އެމިނިސްޓްރީން ބުނެއެވެ.ކުރީ އަހަރުތަކޭ އެއްގޮތަށް މިއަހަރުވެސް މާލެއާއި އަތޮޅުތެރޭގެ ރައްރަށުގެ ގޭ ބިސީތަކަށް، ކައުންސިލްތަށް މެދުވެރިކޮށް ކަދުރު ފޯރުކޮށްދެވޭނެ ކަމަށް ފިނޭންސް މިނިސްޓްރީން މައުލޫމާތުދެއެވެ.