ލިވަޕޫލް އަތުން ބަލިވެ ޗެމްޕިއަންސް ލީގުން ކެޓުމަކީ މިހާތަނަށް ބާސެލޯނާގައި އޭނާ އެންމެ ދެރަވި ދުވަސް ކަމަށް ކެޕްޓަން ލަޔޮނަލް މެސީ ބުނެފިއެވެ.
އޭނާ މިހެން ބުނީ ކޮޕާ ޑެލްރޭ މުބާރާތުގެ ފައިނަލުގައި މިރޭ ވެލެންސިއާއާ ދެކޮޅަށް ކުޅޭ މެޗާ ބެހޭ ގޮތުން ވާހަކަ ދައްކަމުންނެވެ.
ޗެމްޕިއަންސް ލީގުން ބާސެލޯނާ ކެޓީ ފުރަތަމަ ލެގުގައި 3-0އިން މޮޅުވެފައި އޮއްވައި ލިވަޕޫލްގެ ދަނޑުގައި 4-0އިން ބަލިވުމުންނެވެ.
މެސީ ބުނީ އެއީ ހަނދާނުން ފޮހެނުލެވޭނެ މެޗެއް ކަމަށެވެ. ނަމަވެސް އެ ބައްޔަކީ އޭނާ ބާސެލޯނާ ދޫކޮށް އެހެން ކުލަބަކަށްދާންޖެހޭ ސަބަބެއްނޫން ކަމަށެވެ.
މެސީ ބުނީ ދުވަހަކުވެސް އެހަނދާން ނުފިލާނެކަމަށާއި، އެކަމަކު ކޮޕާޑެލްރޭ ތަށީ ހޯދުމަކީ ސީޒަން ކާމިޔާބު ކަމާއެކު ނިންމާލަން ވަރަށް ރަނގަޅު ތައްޓެއްކަމަށެވެ.
މިރޭގެ މެޗަށް ނުކުންނައިރު ވެލެންސިއާއިން ވަނީ މިހާތަނަށް 60 މެޗު އެކުލަބުން ކުޅެފައިވާ ކަމަށް ބުނެފައެވެ. މިހެންވެ ކުޅުންތެރިން ތިބީ ވަރަށް ބޮޑަށް ލޮޑުވެފައި ކަމަށާއި އެޓީމަށްވުރެ ބާސެލޯނާ ކުޅުނު މެޗުތައް މަދުވުމަކީ ލިބިފައިވާ ޑިސްއެޑްވާންޓެއް ކަމަށް ވެސް ވެލެންސިއާއިން ބުނެއެވެ.