ރެއާލް މެޑްރިޑުގެ ހަތް ނަންބަރު އެޑެން ހަޒާޑަށް ދީފި އެވެ.
ކުލަބުން ހަޒާޑަށް ހަތް ނަންބަރު ދިނީ ހަތް ނަންބަރު ޖާޒީގައި ކުޅުނު މަރިއާނޯ ޑިއޭޒް އަތުން ނަގާފަ އެވެ.
މި ސީޒަނުގައި ރެއާލް އަށް 130 މިލިއަނަށް ހަޒާޑް ގެނައީ ޗެލްސީންނެވެ. އޭނާ އަށް ހަތް ނަންބަރު ދިނުމުން ބެލްޖިއަމްގެ ކެޕްޓަންކަން ކުރާ ކުޅުންތެރިޔާ ބުނީ މިއީ އުފާވެރި އަދި ބުރަ ޒިންމާއެއް ކަމަށެވެ.
"ހަތް ނަންބަރަކީ ކުލަބުގެ މޮޅު އެތައް ކުޅުންތެރިންނެއް ކުޅުނު ނަންބަރެއް. އަހަރެން މި ނަންބަރުލާން އުފާކުރަން. އެކަމަކު މި ނަންބަރުގައި ތަށިތަކެއް ހޯދައިދިނުމަކީ ސަޕޯޓަރުންގެ އުއްމީދެއްކަން އަހަންނަށް އެނގޭ،" ހަޒާޑް ބުންޏެވެ.
ރެއާލްގެ ހަތް ނަންބަރު މީގެ ކުރިން ބޭނުން ކުރީ ކުރީގެ ކެޕްޓަން ރައުލް ގޮންޒާލޭޒް އާއި ކްރިސްޓިއާނީ ރޮނާލްޑޯ އެވެ.
އާ ސީޒަނަށް ރެއާލްއިން ނަންބަރުތައް ފައިނަލްކުރިއިރު ހާމޭސް ރޮޑްރިގޭޒް އަށް ދީފައިވަނީ 16 ނަންބަރެވެ. އޭނާ އަކި މީގެ ކުރިން 10 ނަންބަރުގައި ކުޅުނު ކުޅުންތެރިއެކެވެ. ނަމަވެސް އެނބުރި ރެއާލް އަށް އޭނާ މިއީ ބަޔާން މިއުނިކްގައި ލޯނު އުސޫލުން ދެ އަހަރު ހޭދަކުރުމަށްފަހު އެވެ.