މާޅޮސްމަޑުލު އުތުރުބުރީ އަތޮޅު ކައުންސިލުން އޭ ކެޓަގަރީގެ ލައިސެންސް ކާރޑް ދޫކުރުމަށް ވާންޖެހޭ ތައްޔާރީތައްވެފައިވާކަމަށް އެ ކައުންސިލުން ހާމަކޮށްފިއެވެ.އެ ކައުންސިލުން މައުލޫމާތުދިންގޮތުގައި ލައިސެންސް ކާރޑް ދޫކުރަން ފެށުމަށްޓަކާ މިހާރު ކުރަމުންއަންނަނީ އިދާރީ ބައެއް މަސައްކަތްތަކެވެ. އަދި ކައިރި މުސްތަޤްބަލެއްގައި ކާރޑް ދޫކުރަން ފަށާނެ ކަމަށް ކައުންސިލުން މައުލޫމާތުދެއެވެ.ރ.އަތޮޅުގެ 15 ރަށުގައި ތޭވީހަކަށްހާސް މީހުން ހިމެނޭކަމަށް ތަފާސްހިސާބުތަކުންދައްކައެވެ. އެހެކަމުން ލައިސެންސް ހެއްދުންފަދަ އިތުރު ކަންތައްތައްވެސް އެ އަތޮޅުން ކުރެވޭނެ މަގު ފަހިކުރުމަށް މަސައްކަތްކުރާނެކަމަށް އެ ކައުންސިލުން މައުލޫމާތުދެއެވެ.ރ.އަތޮޅުގައި އޭ ކެޓަރގަރީގެ ލައިސެންސް ދޫކުރުމަށް ތައްޔާރުވަމުންދާއިރު، ޓެސްޓަށް ވެހިކަލްދުއްވާ ރޭމްޕެއްވެސްވަނީ ހަދާފައެވެ. އަދި ކާރޑް ޕްރިންޓްކުރުމަށާއި އެހެންކަންކަމަށްބޭނުންވާ މެޝިނަރީވެސް ގެނެސްފައިވާކަމަށް ރ.އަތޮޅު ކައުންސިލުން ހާމަކުރެއެވެ. މިހާރު ރ.އަތޮޅުގައި ދޫކުރަނީ ލައިސަންސް ފޮތެވެ.