ކޯވިޑް19އާ ގުޅިގެން ކަސްޓަމަރުންނަށް ދިމާވެދާނެ ދަތިތައް ޙައްލުކޮށްދިނުމަށް ދިރާގުން ބޮޑު ލުއިތަކެއް ދޭން ނިންމައިފިއެވެ.
ކޯވިޑް19އާ ގުޅިގެން ކަސްޓަމަރުންނަށް އެހީތެރިވެދިނުމުގެ ގޮތުން ދިރާގުން ނިންމާފައިވާ ކަންކަން،
- ބިލް ދެއްކުމަށް އޮންނަ މުއްދަތު ވަނީ ދެ މަސްދުވަހުގެ މުއްދަތަކަށް އިތުރުކުރުން \
- ކޯވިޑްއާ ގުޅިގެން މާލީގޮތުން ދަތިތައް ކުރިމަތިވާ ފަރާތްތަކަށް ބިލް ދެއްކުމަށް ޚާއްސަ އިންތިޒާމްތަކެއް ހަމަޖައްސައިދިނުން
- ޖޫރިމަނާއާއި އަލުން ޚިދުމަތް ގުޅައިދިނުމަށް ނަގާ ފީތައް ނުނެގުން
- ކޯވިޑްއާ ގުޅިގެން ވަޒީފާ ގެއްލިފައިވާކަމަށް ރަޖިސްޓްރީކޮށްފައިވާ ފަރާތްތަކަށް މާލީ އެހީތެރިކަމެއް ލިބެންދެން ޖޫންމަހާ ހަމައަށް ދިރާގުން ދޭ އެއްވެސް ޚިދުމަތެއް މެދުކަނޑާނުލުން
ދިރާގުން ބުނީ މިއީ ކޯވިޑްއާ ގުޅިގެން ދިމާވެފައިމިވާ އުނދަގޫ ހާލަތުގައި ސަރުކާރާއި ރައްޔިތުންނަށް އެހީތެރިވުމަށް ދިރާގުން ކުރަމުންދާ މަސައްކަތްތަކެއްކަމަށެވެ، މިކަންކަމުގެ އިތުރުންވެސް ކޯވިޑްއާ ގުޅިގެން ދިރާގުން ވަނީ ކަސްޓަމަރުންނަށް މީގެކުރިންވެސް ލުއިތަކެއް ދީފައެވެ.