އިނގިރޭސި ޕްރިމިއަރ ލީގުގައި ލެސްޓާ ސިޓީއާ ދެކޮޅަށް ނުކުންނައިރު ގަދަ ހަތަރަކަށް ވާދަކުރާ މެންޗެސްޓާ ޔުނައިޓެޑަށްޓަކައި މެޗު ކާމިޔާބު ކުރަން ބޭނުންނުވާ ކަމަށް ޓޮޓްނަމްގެ ކޯޗު ހޯސޭ މޮރީނިއޯ ބުނެފިއެވެ.
މެޗުގެ ކުރިން ވާހަކަދައްކަމުން މޮރީނިއޯ ބުނީ މިއީ ޓޮޓްނަމަށް މޮޅުވާން މުހިންމު މެޗެއްކަމަށެވެ. އޭނާގެ އަމާޒަކީ ޓޮޓްނަމާއެކު އަންނަ ސީޒަންގައި ޔޫރޮޕާ ލީގުގައި ވާދަކުރުންކަމަށެވެ. ޔުނައިޓެޑުގެ ކުރީގެ ކޯޗު ބުނީ ޔުނައިޓެޑު މިހާރު އޮތީ ޗެމްޕިއަންސް ލީގަށް ކޮލިފައިވުމާ ގާތުގައި ކަމަށާއި، އެކަމުގައި ޔުނައިޓެޑަށް ނަސީބުވެސް އެހީވިކަމަށެވެ. އަދި އޭނާގެ ޓީމަށް އެ ނަސީބު އެހީވިނަމަ މިހާރު އޮންނާނީ ގަދަ ހަތަރެއްގެ ރޭހުގައި ތެރޭގައި ކަމަށް މޮރީނިއޯ ބުންޏެވެ.
މޮރީނިއޯ ބުނީ ގަދަ ހަތަރެއްގެ ރޭހުން ޗެލްސީ ވެސް އަދި ސަލާމަތް ނުވާކަމަށާއި އެޓީމު މިވަގުތު ތިންވަނައިގަ އޮތަސް ނިމޭއިރު ކޮންމެ ފަދަ ގޮތެއްވެސް ވެދާނެކަމަށެވެ. އޭނާ ބުނީ ގަދަ ހަތަރެއްގައި ޓީމަކަށް ވެދާނެ ގޮތަކާމެދު މާބޮޑު ފަރުވާލެއް ނެތްކަމަށާއި ލެސްޓާ ސިޓީއާއި ދެކޮޅަށް މިރޭ ނުކުންނާނީ މެޗު ކާމިޔާބުކުރަންކަމަށެވެ.
މިމެޗާއި ކުރިމަތިލާއިރު ގޯލްގެ ތަފާތުން ހަތަރުވަނައިގައި ލެސްޓާ އޮތްއިރު، ފަސް ވަނައިގަވާ ޔުނައިޓެޑަށްވެސް ލިބެނީ 62 ޕޮއިންޓްއެވެ ޗެލްސީ ތިންވަނައިގައި އޮތީ އެއް ޕޮއިންޓް އިތުރަށް ހޯދައިގެންނެވެ. ޓޮޓްނަމް މިވަގުތު އޮތީ ތާވަލުގެ 7 ވަނަގައެވެ.