އިޓާލިއަން ސެރީއާ ކަގްލިއޭރީގެ މައްޗަށް 2-1ގެ ނަތީޖާއަކުން ކުރިހޯދައި ލާޒިއޯއިން ގަދަ ހަތަރެއް ކަށަވަރުކޮށްފިއެވެ.
ޖިއޯވާނީ ސިމްއޯން ކަގްލީއޭރީ އަށް ލަނޑެއް ޖަހާ ކުރި ހޯދައި ދީފައިވަނިކޮށް ލާޒިޔޯ މޮޅުވީ މިލޮނޮވިޗް އަދި އިމޯބައިލްގެ ލަނޑުތަކުންނެވެ. ރޭގައި އިމޯބައިލް ކާމިޔާބު ކުރި ލަނޑާއެކު 31 ގޯލުން އޭނާ ވަނީ މިސީޒަނުގެ ލަނޑު ލިސްޓުގެ ކުރިޔަށްޖެހިލާފައެވެ. ރޭގަ ހޯދި މޮޅާއެކު ލާޒިޔޯ ގަދަ ހަތަރެއް ކަށަވަރުވީ 35 މެޗުން 72 ޕޮއިންޓު ހޯދައިގެންނެވެ.
ގަދަ ހަތަރެއް ކަށަވަރުވުމާއެކު ލާޒިޔޯއަށް ވަނީ އަންނަ ސީޒަންގެ ޗެމްޕިއަންސް ލީގުގެ ޖާގަ ކަށަވަރުވެފައެވެ. އެންމެފަހުން ލާޒިޔޯ ޗެމްޕިއަންސް ލީގުގައި ވާދަކޮއްފަވަނީ 2008 ވަނަ އަހަރުގެ ސީޒަންގައެވެ.
ލާޒިޔޯ ގަދަހަތަރެއް ކަށަވަރުވިއިރު ތާވަލުގެ ތިންވަނައިގަ އިންޓަމިލާން މިވަގުތު އޮތީ ލާޒިޔޯ އަށް ވުރެ އެއްޕޮއިންޓު އިތުރަށް ހޯދައިގެންނެވެ. އެޓްލާންޓާ ދެވަނައިގަ އޮތީ 74 ޕޮއިންޓާއެކުގައެވެ. ލީގު އެއްވަނައިގައި އޮތް ޔުވެންޓަސް ލިބެނީ 80 ޕޮއިންޓެވެ. ކޮންމެ ޓީމަކަށްވެސް ލީގު ބާކީ ތިންމެޗު އެބައޮތްކަމަށެވެ.