ޔޫރަޕު ފުޓްބޯޅައިގައި ގަދަބާރެއްގެ ގޮތުގައި ކުރިއަރާ ދިޔުމަކީ މުހިންމު ކަމެއްކަމަށް އިންޓަރ މިލާންގެ ކޯޗު އެންޓޯނިއޯ ކޮންޓޭ ބުނެފިއެވެ.
ކޮންޓޭ ބުނީ ޔޫރަޕުގައި މިހެން ލިބޭ ފުރުސަތުތަކުގެ ބޭނުން ހިފުމަކީ ތަޖުރިބާގެ ފެންވަރު މަތިކޮށްލަން ލިބޭ ރަނގަޅު ފުރުސަތެއް ކަމަށެވެ. އޭނާ ބުނީ އެކަމަކަށް ހުންނަ ޝައުގެއްގެ ބޮޑުކަމުން، އެކަމެއް ކުރާހިތުން ކުރެވޭތީ ބައެއް ފަހަރުތަކުގައި އުފެދޭ ނުތަނަވަސްކަމުގެ ތެރޭގައި އޭނާ ހަމަޖެހިގެން ހުންނަން އާދަކޮށްފައިވާކަމަށެވެ. އޭނާ މިމޭރުމުން ވާހަދައްކާފަމިވަނީ އަންނަ ސީޒަނުގައި ކުލަބުން ނުފެނިދާނެކަމަށް އިޓަލީގެ ބައެއް މީޑިޔާތަކުން ބުނެފައިވަނިކޮށެވެ.
ކޮންޓޭ ބުނީ ޓީމުގައި ރަނގަޅުކުރަން ވަރަށް ގިނަ ކަންތައްތައް އެބަހުރިކަމަށެވެ. އެކަންތައްތަކާއެކު ޔޫރޮޕާ ލީގުގެ ކުއާޓާ ފައިނަލުގައި ބަޔާ ލެވަކޫސަންއާއި ކުރިމަތިލާން ބޭނުންވަނީ ވަދާވެރިންނަށް އުނދަގޫކޮއްލެވޭ ފެންވަރުގައި ކުޅެންކަމަށެވެ.
ދިހަ އަހަރު ފަހުން ޔޫރަޕުގެ މުބާރާތެއްގައި ކުއާޓާ ފައިނަލުން ފުރަތަމަ ފަހަރަށް ޖާގަ ހޯދުމާ ގުޅޭގޮތުން ކޮންޓޭ ބުނީ ޔޫރަޕުގައި ކުރިއަރި ދިޔުމަކީ މުހިންމުކަމެއް ކަމަށެވެ. އޭނާ ބުނީ ލިބޭ އެންމެ ބޮޑު ހިތްހަމަޖުހަމަކީ ކުޅުންތެރިންގެ ފަރާތުން ލިބުނު ކުރިއެރުންކަމަށެވެ. މިއީ 2010 ވަނަ އަހަރު ޗެމްޕިއަންސް ލީގު އިންޓަރ މިލާނުން ކާމިޔާބުކުރި ފަހުން ޔޫރަޕުގެ މުބާރާތެއްގެ ގަދަ އަށަކުން ޖާގަ ހޯދި ފުރަތަމަ ފަހަރެއެވެ.