ބޯޓުގެ ފޮޓޯ / އެމްއެންޑީއެފް
ގުޅީފަޅު ކައިރީގައި އޮތް ބޯޓެއްގައި ހުރި ބިދޭސީއަކު ބޯޓުން ވެއްޓި އަނިޔާ ވުމާ ގުޅިގެން އެމްއެންޑީއެފްގެ އެހީތެރިކަމާއެކު ސިއްހީ އަވަސް ފަރުވާ ދިނުމަށް މާލެގެނެސްފިއެވެ.
ގުޅީފަޅާ ދިމާލުން ބޭރުގައި ބަނދަރުކޮށްފައި އޮތް “ވިކްޓޯރިއާ 267” އިން ބިދޭސީއަކު ވެއްޓި ބޯފަޅައިގެން ގޮސްފައިވާކަމަށް އެމްއެންޑީއެފުން ވިދާޅުވެއެވެ. އެމީހާއަށް މިހާރު އައިޖީއެމްއެޗުގައި ފަރުވާދެމުން އަންނަކަމަށްވެސް އެމްއެންޑީއެފުން ވިދާޅުވެއެވެ.
އެމްއެންޑީއެފުން ވިދާޅުވީ މިހާދިސާގެ މަޢުލޫމާތު ލިބިފައިވަނީ މިއަދު 11:15 ހާއިރުކަމަށެވެ. އެމްއެންޑީއެފްގެ ކޯސްޓްގާޑް ސްކޮޑްރަންގެ އެހީގައި އެމީހާ މާލެގެނެސްފައިވަނީ މެންދުރު 12:10 ހާއިރުކަމަށްވެސް އެމްއެންޑީއެފުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ