އަންނަ އަހަރަށް ލަފާކުރައްވާ ސަރުކާރުން ހުށަހެޅުއްވި 27.45 ބިލިއަން ރުފިޔާގެ ބަޖެޓް ރައްޔިތުންގެ މަޖިލީހުން ފާސްކުރައްވައިފިއެވެ.ބަޖެޓް ފާސްކުރައްވާފައިވަނީ ވޯޓުގައި ބައިވެރިވި 78 މެމްބަރުން ތެރެއިން 59 މެމްބަރުންގެ އަޣްލަބިއްޔަތުންނެވެ. ނުފެންނަކަމަށް ވޯޓްދެއްވީ 19 މެމްބަރުންނެވެ. ބަޖެޓަށް އިދިކޮޅު އެމްޑީޕީގެ މެމްބަރުން ވޯޓު ދެއްވާފައެއްނުވެއެވެ. މިއަދުގެ ޖަލްސާގައި ބަޖެޓަށް 11 އިސްލާހެއް މެމްބަރުން ހުށަހެޅުއްވިއެވެ. ނަމަވެސް އެއްވެސް އިސްލާހެއް މަޖިލީހުން ފާހެއްނުވިއެވެ. 2016 ވަނަ އަހަރަށް ދައުލަތުން ލަފާކުރައްވާ ބަޖެޓުގެ ޖުމްލަ ޢަދަދަކީ 27.45 ބިލިއަން ރުފިޔާއެވެ.ބަޖެޓް ފާސްކުރެއްވިއިރު ދިރާސާ ކުރެއްވި ކޮމިޓީން ބަޖެޓުގެ ޖުމުލަ އަދަދަށް ބަދަލެއް ނުގެންނެވި ނަމަވެސް ޝަރުއީ ދާއިރާގެ ބަޖެޓަށް 20 މިލިއަން އިތުރުކުރާ ގޮތަށް ކޮމިޓީން ވަނީ ނިންމާފައެވެ. އަންނަ އަހަރަށް ލަފާކުރައްވައި ސަރުކާރުން
ހުށަހެޅުއްވި ދައުލަތުގެ ބަޖެޓުގެ ޖުމްލަ ޢަދަދަކީ ހަތާވީސް ޕޮއިންޓް ހަތަރެއް
ފަހެއް ބިލިއަން ރުފިޔާއެވެ. މި ބަޖެޓު ރައްޔިތުންގެ މަޖިލީހުން މިއަދު
ފާސްކުރައްވާފައިވާއިރު، ބަޖެޓުގެ ޖުމްލަ ޢަދަދަށް ބަދަލު ނާންނަގޮތަށް ވަނީ
ޝަރުޢީ ދާއިރާއަށް ވިހި މިލިއަން ރުފިޔާ އިތުރުކޮށްދެއްވާފައެވެ. ބަޖެޓު ރައްޔިތުންގެ
މަޖިލީހުން މިއަދު ފާސްކުރެއްވިއިރު އިދިކޮޅު އެމްޑީޕީގެ މެމްބަރުން ބަޖެޓު
ފާސްކުރެއްވުމަށް ވޯޓު ދެއްވާފައެއް ނުވެއެވެ. މަޖިލީހުގައި މިއަދު ބަހުސްކުރަމުން ދަނިކޮށް އެމްޑީޕީން ވަނީ ބަޖެޓަށް ވޯޓު ނުދޭން ތްރީ ލައިންވިޕެއް ނެރެފައެވެ. ބަޖެޓަށް ގެންނަން ފެންނަކަމަށް އެމްޑީޕީން
އެގާރަ އިޞްލާޙެއް އެޕާރޓީން ހުށައެޅި. ނަމަވެސް އެއްވެސް އިޞްލާޙެއް މަޖިލީހުގެ
ތަޅުމުން ފާސްވެފައެއް ނުވެއެވެ.
އެމްޑީޕީގެ
މެމްބަރުން ހުށައެޅުއްވި ގިނަ އިޞްލާޙުތަކަކީ އަލަށް އާމްދަނީ ހޯދަން ސަރުކާރުން
ބަޖެޓުގައި ހިމަނުއްވާފައިވާ ކަންކަމުގެ ބަދަލުގައި ބައެއް ސަބްސިޑީތައް
އިތުރުކުރުމަށް ހުށަހެޅި އިޞްލާޙުތަކެކެވެ. 2016 އަހަރަށް ލަފާކުރައްވާ ބަޖެޓު ރައްޔިތުންގެ މަޖިލީހަށް ހުށަހެޅުއްވީ މި މަހުގެ 12 ވަނަ ދުވަހުއެވެ. އަދި ބަޖެޓު
ކޮމެޓީން ބަޖެޓުގެ މަސައްކަތް ނިންމަވާފައިވަނީ މިދިޔަ ބުރާސްފަތި ދުވަހުގެ ރޭއެވެ.
ސަރުކާރުން ރައްޔިތުންގެ މަޖިލީހަށް ހުށަހަޅާފައިވާ ބަޖެޓުގައި އެންމެ ބޮޑު
ހޭދައެއް ކުރެއްވުމަށް ހިމަނުއްވާފައިވަނީ، ޕަބްލިކް ސެކްޓާ އިންވެސްޓްމަންޓް ޕްރޮގްރާމް (ޕީއެސްއައިޕީ) އަށެވެ. އެއީ 9.1 ބިލިއަން
ރުފިޔާ .ބަޖެޓު ދިރާސާކުރެއްވި
ގޮތުގެ ރިޕޯޓު މަޖިލީހުގެ ތަޅުމަށް ހުށައަޅުއްވަމުން ބަޖެޓު ކޮމިޓީގެ މުޤައްރިރު،
ވިލިމާލެ ދާއިރާގެ މެމްބަރު އަޙްމަދު ނިހާން ޙުސައިން މަނިކު ވިދާޅުވީ، ބަޖެޓް ކޮމިޓީން
ނުވަ ބައްދަލުވުމެއްއް ބޭއްވިކަމަށާއި، ކޮމީޓިގެ ބައްދަލުވުންތައް ނަވާރަ ގަޑިއިރަށް
ކުރިއަށް ގެންދެއްވިކަމަށެވެ.
އަދި ބަޖެޓް ދިރާސާކުރެއްވުމުގައި އެހެން
އަހަރުތަކާއި ޚިލާފަށް، ބަޖެޓު ކޮމިޓީއަށް އިކޮނޮމިކް އެންޑް ޔޫތު ކައުންސިލްގައި
ހިމެނިވަޑައިގަންނަވާ ހުރިހާ ވަޒީރުން ޙާޞިރުކުރައްވާ ޕީއެސްއައިޕީ އާއި،
ދައުލަތަށް އާމްދަނީ ހޯދުމަށް އެކަށައަޅުއްވާފައިވާ ކަންކަމާ ގުޅޭގޮތުން
ގުޅޭގޮތުން މުހުންމު މަޢުލޫމާތުތަކެއް ހޯއްދަވާފައިވާކަމަށެވެ.
ނިހާން ވިދާޅުވީ އަންނަ އަހަރުގެ ފުރަތަމަ ކުއާޓާގައި
މެދު ރާސްތާގެ ބަޖެޓެއް މަޖިލީހަށް ހުށައެޅުއްވުމަށް ސަރުކާރުން ވިސްނުންފުޅު ގެންގުޅުއްވާކަމަށެވެ.
ބަޖެޓު ރިޕޯޓަށް ބަހުސްކުރެއްވި ސަރުކާރަށް ތާއީދުކުރައްވާ
މެމްބަރުން ވިދާޅުވީ، މީ ވަރަށް ފުރިހަމަ ބެޖެޓެއްކަމަށާއި، މީ ކުރިމަގަށް
އަމާޒުކުރެވިގެން ހެދިފައިވާ ބަޖެޓެއްކަމަށެވެ.
މި ބަޖެޓަކީ އިސްރާފު ޚަރަދުތަކެއް ނެތް، އިޤްތިޞާދީގޮތުން
ޤައުމު ހަރުދަނާ ކުރުމަށް ބޭނުންވާ، ގިނަ ކަންތައް ހިމަނުއްވާފައިވާ
ބަޖެޓެއްކަމަށެވެ. ބަޖެޓަށް ބަހުސްކުރެއްވި އިދިކޮޅު މެމްބަރުންވެސް ބަޖަޓަށް
ޖުމްލަކޮށް ތާއީދުނުކުރެއްވި ނަމަވެސް ބަޖެޓުގައި ހިމަނުއްވާފައިވާ ވަކިވަކި ބައިތަކަށް
ތާއީދުކުރައްވާފައިވެއެވެ.
2016 ވަނަ އަހަރުގެ ބަޖެޓުގައި ހިމަނުއްވާފައިވަނީ މައިގަނޑު
ބޮޑު ފަސް މަޝްރޫޢެކެވެ. އޭގެތެރޭގައި ހިމެނެނީ، އިބްރާހީމް ނަޞީރު
އިންޓަރނޭޝަނަލް އެއަރޕޯޓް ޒަމާނީ ފެންވަރަށް ތަރައްޤީކުރުމުގެ މަޝްރޫޢާއި،
މާލެއާއި ހުޅުލެއާ ދެމެދު އެޅުމަށް ހަމަޖެހިފައިވާ ބްރިޖް މަޝްރޫޢުއެކެވެ. އަދި
ރައްޔިތުން ގެދޮރުވެރިކުރެއްވުމަށް މިހާރު ކުރިއަށް ގެންދަވާ 1985 ހައުސިންގ
ޔުނިޓްގެ މަޝްރޫޢާއި، އަލަށް ފަށްޓަވާ 1500 ހައުސިންގ ޔުނިޓްގެ މަޝްރޫޢުވެސް
ހިމެނެއެވެ.
މީގެ އިތުރަށް އައި.ޖީ.އެމް ހޮސްޕިޓަލުގެ ހުސް ބިމުގައި
ޢިމާރާތްކުރައްވަން ހަމަޖެހިފައިވާ ނޭޝަނަލް ޑައިގްނޯސްޓިކް ސެންޓަރުގެ މަޝްރޫޢާއި
ށ. ފުނަދޫ އެއަރޕޯޓް ހެދުމަށް ބޭނުންވާ ބިންހިއްކުމުގެ މަޝްރޫޢުވެސް ހިމެނެނީ މިފަދަ
ބޮޑެތި މަޝްރޫޢުގެތެރޭގައެވެ. މިއަހަރު ނިމޭއިރު ދައުލަތުގެ ރަސްމީ ރިޒާވް 590
މިލިޔަން އެމެރިކާ ޑޮލަރަށް އަރާއިރު އަންނަ އަހަރު މިއަދަދު 644 މިލިޔަން
އެމެރިކާ ޑޮލަރަށް އިތުރު ވެގެންދާނެކަމަށް ވަނީ ލަފާކޮށްފައެވެ. މިއީ 54 މިލިޔަން
އެމެރިކާ ޑޮލަރުގެ ކުރިއެރުމެކެވެ.
***********