"ޔޫރީ-ދަ ސާރޖިކަލް ސްޓްރައިކް" ގެ ޑައިރެކްޓަރ އަދިތްޔާ ދާރް އާއި ދާދި ފަހުން ކައިވެނި ކޮށްފައިވާ ބޮލީވުޑް ތަރި ޔައްމީ ގޯތަމް އަދިވެސް އުޅެނީ ހަނީމޫންގައެވެ. ނަމަވެސް ޔައްމީގެ ފިލްމެއް ވަރަށް އަވަހަށް ބެލުންތެރިންނާއި ހަމައަށް އަންނާނެއެވެ.
ނަން ހާމަނުކޮށް އޮތް ޑައިރެކްޓަރ އަނުރުއްދާ ރޯއީ ގެ ފިލްމުގެ ޝޫޓިންތައް ފަށަން ޔައްމީ މިހާރު ވަނީ ތައްޔާރުވެފައެވެ. ފިލްމުގެ ވާހަކަ ބިނާފައި ވަނީ އިންޑިއާގެ ކަލްކަތާއަށެވެ. އަދި ފިލްމުގައި ޔައްމީގެ ރޯލަކީ ނޫސްވެރިއެއްގެ ރޯލެވެ.
ފިލްމުގެ ޝޫޓިންތައް ފެށުމަށް މެއި މަހު ފެށުމަށް ތާވަލުކޮށްފައި އޮތް ނަމަވެސް ކޯވިޑާއި ހެދި ޝޫޓިންތައް ވަނީ ލަސްކުރަން ޖެހިފައެވެ. ދީފައިވާ ލުއި ތަކާއެކު ފިލްމުގެ ޝޫޓިން މިހާރު އޮތީ ފެށުމުގެ މަގުމަތީގައެވެ. ޑައިރެކްޓަރ ޕްލޭންކޮށްފައި އަދި އޮތީ ކަލްކަތާ އަދި ޕުރުލިއާގެ މަންޒަރުތައް ނެގުން ކުރިއަށް ގެންދިއުމަށް ކަމަށް ޕްރޮޑަކްޝަން ޓީމުން ބުނެއެވެ.
ނޫސްވެރިކަމުގެ ތެރޭގައި އޮންނަ އަނިޔާވެރިކަމާއި ފަސާދައިގެ ކަންކަން ދައްކުވައިދޭ މި ފިލްމުގެ ވާހަކަ ޔައްމީ އާއި އަނިރުއްދާ ދައްކަމުންދާތާ ދުވަސްކޮޅެއް ވެފައިވާކަމަށްވެސް ޓީމުން ބުނެއެވެ.