ކޯވިޑް-19އިން ދިފާޢުވުމަށް ރާއްޖޭގައި ވެކްސިން ފުރިހަމަކުރި މީހުންގެ ޢަދަދު 192،000އަށް އަރައިފިއެވެ. ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ވިދާޅުވީ ހޮނިހިރު ދުވަހު އިތުރު 596 މީހުން ވެކްސިން ފުރިހަމަކޮށްފައިވާކަމަށެވެ.
ހެލްތު ޕްރޮޓެކްޝަން އެޖެންސީ (އެޗް.ޕީ.އޭ)ގެ ތަފާސްހިސާބުތައް ދައްކާގޮތުން ކޯވިޑުން ދިފާޢުވުމަށް އަންގާރަ ދުވަހު ވެކްސިންގެ 2ވަނަ ޑޯޒް ޖެހި 596 މީހުންގެ ތެރޭގައި މާލޭ ސަރަޙައްދުން ވެކްސިން ޖެހި 351 މީހުން ހިމެނޭކަމަށެވެ. އަދި އަތޮޅުތަކުން 245 މީހުން ވެކްސިންގެ 2ވަނަ ޑޯޒް ޖަހާފައިވާކަމަށެވެ. މިއާއެކު ރާއްޖޭގައި ވެކްސިން ފުރިހަމަ ކުރި މީހުންގެ ޖުމްލަ ޢަދަދު މިވަނީ 192،321އަށް އަރާފައެވެ.
ވޭތުވެދިޔަ 24 ގަޑިއިރު ތެރޭގައި ރާއްޖެއިން ކޯވިޑް ވެކްސިންގެ ފުރަތަމަ ޑޯޒް 72 މީހަކު ވަނީ ޖަހާފައެވެ. އޭގެ ތެރޭގައި މާލެއިން ފުރަތަމަ ޑޯޒް ޖެހި 55 މީހަކާއި، އަތޮޅުތަކުން ވެކްސިން ޖެހި 17 މީހުން ހިމެނެއެވެ. މިއާއެކު ރާއްޖެއިން ވެކްސިންގެ ފުރަތަމަ ޑޯޒް ޖެހި މީހުންގެ ޖުމުލަ ޢަދަދު މިހާރު ވަނީ 317،316އަށް އަރާފައެވެ.
މާލެ ސަރަހައްދުގައި ޢުމުރުން 18 އަހަރާއި 60 އަހަރާ ދެމެދުގެ މީހުންނަށް ސިނޯފާމް ވެކްސިންގެ ފުރަތަމަ ޑޯޒާއި ދެވަނަ ޑޯޒް ޖަހަމުން އަންނައިރު، މާލެއާއި ވިލިމާލެއާއި ހުޅުމާލެ ހިމެނޭހެން 6 ސެންޓަރެއްގައި ވެކްސިން ދިނުން ކުރިއަށްދެއެވެ. އަދި ގޭގެއަށް ގޮސްގެން ވެކްސިން ދިނުމަށް 2 މޮބައިލް ޓީމް ޙަރަކާތްތެރިވަމުންނެވެ.
ކޯވިޑް-19އިން ދިފާޢުވުމަށްޖަހާ ކޮވިޝީލްޑް ވެކްސިންގެ ފުރަތަމަ ޑޯޒް ޖަހާފައިވާ ފަރާތްތަކުގެ ތެރެއިން 2 ޑޯޒް ނުޖެހިތިބި ފަރާތްތަކަށް ވެކްސިން ދިނުން ފެށުމަށް ހެލްތު ޕްރޮޓެކްޝަން އެޖެންސީ ތައްޔާރުވެފައިވާކަމަށް (އެޗް.ޕީ.އޭ)އިން ވަނީ ވިދާޅުވެފައެވެ. އަތޮޅުތަކުގައި 193 ވެކްސިން ސެންޓަރުން މިހާރުވެސްދަނީ އަންނަނީ ވެކްސިންދެމުންނެވެ.