2012 ވަނަ އަހަރު ދެއްކި "ސްޓޫޑެންޓް އޮފް ދަ ޔިއަރ" އިން ފިލްމީ ކެރިޔަރ ފެށި ބޮލީވުޑް ތަރި ސިދާތް މަލޯތްރާ އަކީ މިހާރު ބޮލީވުޑްގައި ނަން ހިނގާ ތަރިއެކެވެ. އެކި ބްރޭންޑްތައް ތަމްސީލުކޮށްދޭ މަޝްހޫރު އެއް ތަރިވެސް މެއެވެ.
ސިދާތްގެ ކުރިއަށް އޮތް ފިލްމު "ޝޭރްޝާހް" އަށްވެސް އަންނަނީ ގިނަ ބައެއްގެ ތަރުޙީބު ލިބެމުންނެވެ.
ސިދާތުގެ ހަބަރުތަކުން މިހާރު އެންމެ ގަދައަށް ދެކެވޭ ވާހަކައަކީ ރެޝްމާ ޝެޓީގެ ޓެލެންޓް އޭޖެންސީ މެޓްރިކްސް އެންޓަރޓެއިންމަންޓާއިއެކު އޮތް 9 އަހަރު ދުވަސްވީ ގުޅުން ކަނޑާލަން ސިދާތް ނިންމި ޚަބަރެވެ.
މި އޭޖެންސީއަކީ 2012 ވަނަ އަހަރު ސިދާތްގެ ފިލްމީ ކެރިއަރ ފެށުނީއްސުރެ އޭނާގެ ހުރިހާ ޕްރޮޖެކްޓެއްގެ މަސައްކަތް ކުރަމުން ގެންދިޔަ އޭޖެންސީއެވެ.
ސިދާތް ނިންމާފައިވަނީ އޭނާއާއި އޭނާގެ ޓީމު އަމިއްލައަށް ހުރިހާ ކަމެއް ބަލައްހަޓާ ނިންމުމަށް ކަމަށް ޚަބަރުތައް ބުނެއެވެ. ނަމަވެސް މި ނިންމުން ސިދާތް ނިންމި ސަބަބެއް ނޭގެއެވެ.