ޓެރަރިޒަމްގެ ކުށުގެ ޙުކުމެއްގައި ޖަލުގައި ހުންނެވި އެމްޑީޕީގެ ކުރީގެ ރައީސް މުޙައްމަދު ނަޝީދު، ގޭ ބަންދަށް ބަދަލުކުރެއްވިކަމަށް ބުނާ ލިޔުމުގެ ތަޙްޤީގް އަވަސްކޮށްދެއްވުން އެދި ނަޝީދުގެ ޤާނޫނީ ޓީމް ކޮމިޝަނަރ އޮފް ޕޮލިސް އަޙުމަދު ޢަރީފާ ބައްދަލުކޮށްފިއެވެ.ކޮމިޝަނަރ އޮފް ޕޮލިސްއާ ބައްދަލުކުރެއްވުމަށްފަހު، ފުލުހުންގެ އިދާރާ ކައިރީގައި ނޫސްވެރިންނަށް މަޢުލޫމާތު ދެއްވަމުން، ނަޝީދުގެ ޤާނޫނީ ޓީމުގައި ހިމެނިވަޑައިގަންނަވާ ޙަސަން ލަތީފް ވިދާޅުވީ، ނަޝީދު ޖަލުޙުކުމް ގޭބަންދަށް ބަދަލުކުރެއްވިކަމަށް ބުނާ ލިޔުމާ ގުޅޭގޮތުން ބައްލަވަންޖެހޭ ހުރިހާކަމެއް ބައްލަވާނެކަމާއި ފުރިހަމަ ކުރަންޖެހޭ ހުރިހާ ކަމެއް ފުރިހަމަކުރައްވާނެ ކަމުގެ ޔަޤީންކަން ލިބިފައިވާކަމަށެވެ.ފުލުހުން ވިދާޅުވީ، ކަރެކްޝަނަލް ސާރވިސްއިން ރައީސް ނަޝީދުގެ ޖަލު ޙުކުމް ގޭބަންދަށް ބަދަލުކުރެއްވިކަމަށް ބުނާ ލިޔުން ނޮވެމްބަރު މަހުގެ 12 ވަނަދުވަހު ލިބިވަޑައިގެންފައިވާ ކަމަށާއި، އެމައްސަލަ ތަޙްޤީގްކުރައްވަމުން ގެންދަވާކަމަށެވެ. ސަރުކާރުން ވަނީ ރައީސް ނަޝީދު ގޭބަންދަށް ބަދަލުކުރިކަމަށް ބުނާ ލިއުމަކީ އަޞްލު ލިއުމެއް ނޫންކަމަށް ވިދާޅުވެފައެވެ.