އެއަރލައިން އެކްސަލަންސް
އެވޯޑްގެ 2016 ވަނަ އަހަރުގެ " އެއަރލައިން އޮފް ދަ އިޔަރ " އެވޯޑް އެއަރ ނިއުޒީލެންޑަށް
ލިބިއްޖެއެވެ.
މި އެވޯޑަކީ އޮސްޓްރޭލިއާގެ
އެއަރ ލައިން ރޭޓިންގްސް ޑޮޓްކޮމް އިން ދުނިޔޭގެ އެކި އެއަރލައިންތަކުގެ
ދަތުރުތައް މޮނިޓަރ ކޮށް ސަލާމާތާއި، ރައްކާތެރިކަން އަދި އެހެނިހެން ކެޓަގަރީ
ތަކުން ރިވިއުކޮށް ދޭ އެވޯޑެކެވެ.
އެއަރ ނިއުޒީލެންޑްއަށް މި އެވޯޑް
ލިބިފައިވަނީ މި އެއަރލައިންގައި ދަތުރުވެރިންނަށް ދެވޭ އައު ހިދުމަތްތަކާއި،
ސަލާމަތާއި ރައްކާތެރިކަމަށް ފިޔަވަޅުތައް ރަގަޅު ވުމުގެ އިތުރުން ތިމާވެއްޓާއި
ރަހުމަތްތެރި ގޮތްތަކަށް ޕްލައިޓްތަކުގެ ކަންތައްތައް ރޭވިފައިވާތީއެވެ.
މިއީ ނިއުޒީލެންޑް އެއަރލައިންއަށް
މިއެވޯޑް ވިދި ވިދިގެން ލިބުނު ތިންވަނަ ފަހަރެވެ.
މީގެއިތުރުން އެއަރ
ނިއުޒީލެންޑްއަށްވަނީ މިފަހަރު ބެސްޓް ޕްރިމިއަމް އިކޮނޮމީ ކްލާސް އަދި ބެސްޓް
އިކޮނޮމީ ކްލާސް ކެޓަގަރީގެ އެވޯޑްވެސް ލިބިފައެވެ.