ކޯވިޑަށް ފަރުވާ ހޯދަމުންދާ ފަރާތްތަކުގެ ތެރެއިން އަތޮޅުތަކުގެ 6 ރަށެއްގައި އެކްޓިވް ކޭސްތައް އުޅެނީ 100އިން މަތީގައެވެ.
ރާއްޖޭގައި ހަލުވިކަމާއެކު ކޯވިޑް ފެތުރެމުންދާ މިދުވަސްވަރު މާލެ ސަރަޙައްދު ފިޔަވައި އެކްޓިވް ކޭސް އެންމެ ގިނައިން ފެންނަމުންދަނީ ކ.ގުރައިދޫ، ހދ.ކުޅުދުއްފުށި، ސ.ހުޅުމީދޫ، ސ.ފޭދޫ، ސ.ހިތަދޫ، ޏ.ފުވައްމުލަކުންނެވެ. އެގޮތުން މި ސަރަޙައްދުތަކުގައި އެކްޓިވް ކޭސްތައް އުޅެމުންދަނީ 100އިން މަތީގައެވެ.
އެންމެ ފަހުގެ ތަފާސްހިސާބުތަކަށް ބަލާއިރު އެކްޓިވް ކޭސްގެ ގޮތުގައި ކ.ގުރައިދޫން ވަނީ 120 ދިވެހިންނާއި 1 ބިދޭސީއަކު ޕޮޒިޓިވްވެފައެވެ. ހދ.ކުޅުދުއްފުށިން 177 ދިވެހިންނާއި 4 ބިދޭސީއަކު ވަނީ ޕޮޒިޓިވްވެފައެވެ. ސ.ހުޅުމީދޫން 164 ދިވެހިންނާއި 2 ބިދޭސީއަކު ވަނީ ޕޮޒިޓިވްވެފައެވެ. ސ.ފޭދޫން 152 ދިވެހިންނާއި 4 ބިދޭސީއަކު ވަނީ ޕޮޒިޓިވްވެފައެވެ. ޏ.ފުވައްމުލަކުން 192 ބިދޭސީންނާއި 11 ބިދޭސީން ވަނީ ޕޮޒިޓިވްވެފައެވެ. އަދި އެންމެ ގިނަ ޢަދަދަކަށް މީހުން ފައްސިވެފައިވަނީ ސ.ހިތަދޫންނެވެ. 244 ދިވެހިންނާއެކު 31 ބިދޭސީއަކު ވަނީ ޕޮޒިޓިވްވެފައެވެ.
މިއާއެކު އަތޮޅުތަކުން ޖުމްލަ 3،050 މީހަކު ވަނީ މި ބައްޔަށް ޕޮޒިޓިވްވެފައެވެ. އޭގެ ތެރޭގައި 2،819 ދިވެހިންނާއި 231 ބިދޭސީއަކު ހިމެނެއެވެ.
ހަތަރުވަނަ ރާޅާއެކު ރާއްޖޭގެ ކޯވިޑް-19 ޖެހޭ މީހުންގެ ޢަދަދު މިހާ ބޮޑަށް އިތުރުވެފައި މިވަނީ ކޯވިޑްގެ އައު ވޭރިއަންޓާއެކުއެވެ. މިޕީކްގައި އަތޮޅުތަކެކޭ އެއްގޮތަށް ގްރޭޓަރ މާލެ ސަރަޙައްދުގައިވެސް ޕޮޒިޓިވްވާ މީހުންގެ އަދަދު މިހާރު ވަނީ ދެގުނައަށް އަރާފައެވެ. މީގެ އިތުރުން އަތޮޅުތެރޭގެ 23 ރަށެއް އޮތީ މޮނިޓަރިންގެ ޙާލަތުގައެވެ.