ދުނިޔޭގެ އިޤްތިސާދާ ބެހޭ ޖަމާޢަތް، ' ވޯލްޑް އިކޮނޮމިކް ފޯރަމް ' އިން ކޮންމެ އަހަރަކު ބާއްވާ ބައްދަލުވުން ސުވިޓްޒަލޭންޑްގެ ޑާވޯސްގައި ފަށައިގެން ކުރިއަށް އެބަދެއެވެ.މިއަހަރުގެ ބައްދަލުވުމުގައި މައިގަނޑު ގޮތެއްގައި މަޝްވަރާތައް ކުރިއަށްދާނީ، ސިނާޢީ ދާއިރާތައް ތަރައްޤީކުރުމާ ބެހޭ ގޮތުން ކަމަށް ޚަބަރު ލިބެއެވެ. މީގެ އިތުރުން ދުނިޔޭގެ އިޤްތިސާދު ތަރައްޤީ ކުރުމާ ދުނިޔޭގެ މޫސުމަށް އަންނަމުންދާ ބަދަލުތަކާއި، އިޤްތިސާދީ ގޮތުން މިކަމުގައި ކުރެވޭނެ މަސައްކަތްތަކާއި ބެހޭ ގޮތުން ވެސް ޑާވޯސްގައި ކުރިއަށްދާ ބައްދަލުވުމުގައި މަޝްވަރާތައް ކުރިއަށް ގެންދާނެ ކަމަށް ރިޕޯޓްތައް ބުނެއެވެ.ޑާވޯސް ބައްދަލުވުމުގެ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން ވޯލްޑް އިކޮނޮމިކް ފޯރަމްގެ ބާނީ، އަދި އެކްޒެކެޓިވް ޗެއާމަން ކްލައުސް ޝުވަބް ވިދާޅުވީ، ކުރިއަށް އޮތް ޖީލްތަކަށް ފާގަތި މުސްތަގްބަލެއް ހޯދައިދެވޭނީ އިޤްތިސާދީ މައްސަލަތަކުގައި މަޝްވަރާތައް ކޮށް އެކަމުގައި ހުރިހާ ފަރާތަކުން ގުޅިގެން މަސައްކަތްކޮށްގެން ކަމަށެވެ.