އަފްޣާނިސްތާން ސަރުކާރާ ތާލިބާނު
ޖަމާޢަތާ ދެމެދު ބާއްވާ ސުލްޙައިގެ ވާހަކަތައް އަލުން ފެށުންވާނީ، އުނދަގޫ ކަމަކަށް ކަމަށް މަސްރަހު ދިރާސާ ކުރާ
ޕާކިސްތާނުގެ ތަޖުރިބާކާރުން ހާމަކޮށްފިއެވެ.
އަފްޣާނިސްތާނުގައި ސުލްޙަ ޤާއިމުކުރުމާ
ގުޅޭ ގޮތުން ބާއްވާ މަޝްވަރާތައް ހޯމަދުވަހު ފެށިއިރު، މި ވާހަކަތަކުގައި
ބައިވެރިވާ އަފްޣާނިސްތާން، ޕާކިސްތާނު،
ޗައިނާ އަދި އެމެރިކާއިން ވަނީ ތާލިބާނާ އަފްޣާނިސްތާނު ސަރުކާރާ ދެމެދު އަލުން
ވާހަކަތައް ފެށުމަށް ގޮވާލާފައެވެ.
މިކަމާ ބެހޭގޮތުން ޕާކިސްތާނުގެ
ތަޖުރިބާކާރުން ބުނަނީ،
އަފްޣާނިސްތާނު ސަރުކާރާ ތާލިބާނު ޖަމާޢަތާ ދެމެދު ސުލްޙަ ޤާއިމުކުރުމަށް ބާއްވާ
ވާހަކަތައް ވާނީ ދިގުލައިގެންދާނެ މަޝްވަރާތަކަކަށް ކަމަށާ، ވާހަކަތައް
ކާމިޔާބުވާން ބޭނުންވާނަމަ ދެފަރާތުން ވެސް ކަނޑައަޅާފައިވާ ޝަރުތުތައް ދޫކޮށްލަންޖެހޭ
ކަމަށެވެ.
ޕާކިސްތާނުގެ އިންސްޓިއުޓް ފޮރ
ޕީސް ސްޓަޑީޒްގެ ޑިރެކްޓަރ މުޙައްމަދު އާމިރް ރަނާ ވިދާޅުވީ، ތާލިބާނުގެ ތެރޭގައި
އުފެދިފައިވާ ބައިބައިވުންތަކަކީ ވެސް ސުލްޙައިގެ ވާހަކަތަކަށް ބުރޫ އަރާނެ ކަމެއް
ކަމަށާއި، ހަތަރު ގައުމު ބައިވެރިވާ ވާހަކަތަކުން ވެސް މިކަމަށް މާ ބޮޑު ކުރިއެރުމެއް
ނުހޯދޭނެ ކަމަށެވެ.