ވިލާތުގެ އެއްގައުމު އަނެއް ގައުމާ
ހިއްސާ ކުރާ ސަރަހައްދީ ރޮނގުތަކުގެ ސަލާމަތީ ކަންކަން ވަރުގަދަކޮށްގެން
އެބައްރަށް ކުރިމަތިވެފައިވާ ރެފިއުޖީންގެ މައްސަލައަށް ހައްލެއް ނުހޯދޭނެ ކަމަށް
ޖަރުމަނުވިލާތުގެ މާލީ ވަޒީރު ވުފްގޭންގް ޝުއެބްލާ ވިދާޅުވެއްޖެއެވެ.
ޖަރުމަނުވިލާތުގެ ބާރލިންގައި
ފަރަންސޭސިވިލާތާ ޕޯލެންޑްގެ މާލީ ވަޒީރުންނާ ބައްދަލުކުރައްވާ ނޫސްވެރިންނާ
ވާހަކަ ދައްކަވަމުން ޝުއެބްލާ ވިދާޅުވީ، ވިލާތަށް ވަންނަމުންދާ ރެފިއުޖީންގެ
މައްސަލައަށް ހައްލެއް ހޯދޭނީ އެބައްރުގެ ގައުމުތަކުން އެހެން ބައްރުގެ ގައުމުތަކާ
ހިއްސާކުރާ ސަރަހައްދީ ރޮނގުތަކުގެ ސަލާމަތީ ކަންކަން ވަރުގަދަކޮށްގެން ކަމަށެވެ.
އަދި ވިލާތުގެ އިއްތިހާދުގެ ގައުމުތަކުން ހިއްސާ ކުރާ ސަރަހައްދީ ރޮނގުތަކުގެ ސަލާމަތީކަންކަން
ވަރުގަދަކޮށްގެން ގައުމުތަކުގެ ދެމެދު އޮންނަ ގުޅުން ހީނަރުވެގެންދާނެ ކަމަށް ވެސް
ޝުއެބްލާ ވިދާޅުވިއެވެ.
ޖަރުމަނު މާލީ ވަޒީރު މިހެން ވިދާޅުވެފައިވަނީ، ސުވިޑަންއާ ޑެންމާކުން ޖަރުމަނުވިލާތާ އެކު ހިއްސާ ކުރާ ސަރަހައްދީ
ރޮނގުގެ ސަލާމަތީ ކަންކަން ވަރުގަދަކޮށްފައިވާ ދަނޑިވަޅެއްގައެވެ.