ތޫނިސްގައި ފުރިހަމަ ޑިމޮކްރަސީއެއް ޤާއިމުކުރުމަށް ކުރާ ދަތުރުގައި ފަހަތަށް ފިޔަވަޅު އަޅައިގެން ނުވާނެ ކަމަށް އެގައުމުގެ ބޮޑު ވަޒީރު ހަބީބް އައްސިދް ވިދާޅުވެއްޖެއެވެ.ތޫނިސްގެ ބޮޑު ވަޒީރު މިހެން ވިދާޅުވެފައިވަނީ އެޤައުމުގައި ވަޒީފާގެ ފުރުޞަތު މަދުވުމުގެ ސަބަބުން ތޫނިސްގައި ވަރުގަދަ މުޒާހަރާތަކެއް ކޮށްފައިވާ ދަނޑިވަޅެއްގައެވެ. ނޫސްވެރިންނާއި ވާހަކަ ދައްކަވަމުން ތޫނިސްގެ ބޮޑު ވަޒީރު އައްސިދް ވިދާޅުވީ، މުޒާހަރާތައް ފުރަތަމަ ފެށި އުތުރުގެ ރަށެއްކަމަށްވާ ކަސާރީންގައި މީހުން މަގުތަކުމައްޗަށް ނިކުތީ ވަޒީފާ ނެތް މައްސަލައިގައި ބައެއް މީހުންނަށް ހައްލު ހޯދައިދީގެން ކަމަށެވެ. މިކަމުގައި ހުރިހާ ފަރާތަކަށްވެސް ހައްލު ހޯދޭނެ ކަމަށާއި، މިކަމުގައި ބޭނުންވަނީ ކެތްތެރިކަމާއި، ރަނގަޅު ވިސްނުމެއް ކަމަށްވެސް ތޫނިސްގެ ބޮޑު ވަޒީރު ވިދާޅުވިއެވެ.ތޫނިސްގައި ކުރި މުޒާހަރާތަކުގެ ސަބަބުން އެޤައުމުގެ ހުރިހާ ސަރަހައްދެއްގައި ކާފިއު ހިންގާނެ ކަން އަމުރުކުރައްވައި، އެޤައުމުގެ ރައީސް ވަނީ މިއަމުރު ތަންފީޒުކުރައްވަން ފަށްޓަވާފައެވެ.