ނެޓްފްލިކްސް ސީރީޒް "ސްކްއިޑް ގޭމް" ގައި ސޮންގް ގީ ހުންގެ ރޯލުން ފެނުނު ޖޮންގް ޖޭ ފުރަތަމަ ޑައިރެކްޓުކުރި ފިލްމު "ހަންޓް" ގެ ސްކްރީނިން މިއަހަރުގެ ކާންސްގެ ފެސްޓިވަލުގައި ބާއްވައިފިއެވެ.
"ހަންޓް" އަކީ ސްޕައި ތްރިލާއެކެވެ. މީގެ ސްކްރީނިންގްގައި ވާހަކަ ދައްކަމުން ލީ ބުނީ މުޅި ދުނިޔެވެސް މިހާރު ބޭނުންވަނީ ކޮރެއާ ކޮންޓެންޓު ފިލްމު ކަމަށެވެ. ނަމަވެސް ރަގަޅު އޮފާ އެއް ލިބިއްޖެނަމަ ހޮލީވުޑް ފިލްމެއްގައި މަސައްކަތް ކުރާނެކަމަށް ލީ ބުނެއެވެ.
ކާންސްގެ މިޑްނައިޓް ސްކްރީނިން ސެކްޝަނަށް ދަޢުވަތު ދީފައިވާ "ހަންޓް" ގައި ދައްކަނީ ދެކުނު ކޮރެއާގައި އޮތް އަސްކަރީ ވެރިކަން އެންމެ ފޯރިގަދަވި ދުވަސްވަރު އެ ޤައުމުގެ ރައީސް އަވަހާރަކޮށްލުމަށް ޖާސޫސަކު ކުރާ މަސައްކަތްތަކާއި ޖާސޫސް ހޯދަން އިންޓެލިޖެންސުން ކުރާ މަސައްކަތްތަކެވެ. މި ފިލްމުގެ ސެޓަކީ 1980 ގެ އަހަރު ތަކުގެ ސެޓެކެވެ.
ލީ ވަނީ ހޮލީވުޑްގެ މަޝްހޫރު ޕަވާހައުސް އޭޖެންސީއެއް ކަމަށްވާ ސީއޭއޭ އަށް މިއަހަރުގެ ކުރީކޮޅު ސޮއިކޮށްފައެވެ.
2023 ނުވަތަ 2024 ވަނަ އަހަރު ދައްކަން ހަމަޖެހިފައިވާ "ސްކްއިޑް ގޭމް" ދެވަނަ ބައިންވެސް ލީ ފެންނާނެއެވެ. މީގެ އެއްވަނަ ބައިން ލީ ލިބުނު ތަރުހީބު ބޮޑުވެ އޭނާ ވަނީ ސްކްރީން އެކްޓާސް ގިލްޓް އެވޯޑުން އެންމެ މޮޅު ފިރިހެން އެކްޓަރު ރޯލު އުފުލާލި އޭޝިއާގެ ތަރިއަށްވެސް ވެފައެވެ.