ރ. އަތޮޅުގެ ރަށްތަކުގައި ޚިދުމަތްކުރާނެ 100 އަށް ވުރެ ގިނަ ސިއްހީ ޚިދުމަތްތެރިން ހޯދަން އިޢުލާންކޮށްފިއެވެ.
އުނގޫފާރު ރީޖަނަލް ހޮސްޕިޓަލުން އިއުލާންކޮށްފައި ވަނީ މުޅި އަތޮޅުގެ ސިއްހީ މަރުކަޒުތަކާއި، ރީޖަނަލް ހޮސްޕިޓަލުގައި މަސައްކަތް ކުރާނެ ދިވެހި ޑޮކްޓަރުންނާއި، ނަރުހުން ހޯދުމަށެވެ. އެގޮތުން 72 ނަރުހުންނާއި، 30 މެޑިކަލް އޮފިސަރުންނާއި 23 ޑޮކްޓަރުން ހޯދުމަށް އިއުލާންކޮށްފައިވެއެވެ.
މީގެ ތެރޭގައި ހިމެނޭ 23 ޑޮކްޓަރުންނަކީ 12 ދާއިރާއަކަށް ޚާއްސަކޮށްފައިވާ ޑޮކްޓަރުންނެވެ. އެއީ ހޭނައްތާ ޑޮކްޓަރުން، އޮޕަރޭޝަން ޑޮކްޓަރުން، ކުޑަކުދިންގެ ޑޮކްޓަރުން، އެތެރެހަށީގެ ޑޮކްޓަރުން، އަންހެނުންގެ ޑޮކްޓަރުން، ކަށީގެ ޑޮކްޓަރުން، ހަމުގެ ޑޮކްޓަރުން، ކަރުންމަތީގެ ޑޮކްޓަރުން، ލޮލުގެ ޑޮކްޓަރުން، ސައިކޭޓްރިސްޓުން އަދި ރޭޑިއޮލޮޖިސްޓުންނެވެ.
ނަރުހުންނަށް ހުޅުވާފައި ވަނީ ކްލިނިކަލް ނަރސް، ސީނިއަރ ރެޖިސްޓަރޑް ނަރސް، އަދި ރެޖިސްޓަރޑް ނަރސް ގެ މަގާމަށެވެ. މެޑިކަލް އޮފިސަރުންނަށް ހުޅުވާފައި ވަނީ ސީނިއަރ މެޑިކަލް އޮފިސަރ، އަދި މެޑިކަލް އޮފިސަރު ކަމަށެވެ.
އެ މަޤާމުތަކަށް ޝައުގުވެރިވާ މީހުން އަންނަ އަންގާރަ ދުވަހުގެ ކުރިން ފޯމު ހުށަހެޅުމަށް ވަނީ އެދިފައެވެ.